Изграден по европски стандарди со примена на сите современи третмани за згрижување на стари лица, распространет на површина од 1500 квадратни метри, денес Домот „Софија“ ги отвори вратите за своите штитеници и други корисници. Оваа приватна установа за социјална заштита на стари лица наликува на луксузен објект за сместување, опременоста дава пријатна домашна атмосфтера со што се стават темели за еден поинаков и модерен принцип за згрижување на лицата од трето доба.

Изграден по европски стандарди отвора нова ера во третманот на повозрасните лица во земјава

„Нашата идеја не е само да ги згрижиме нашите штитетници внатре, туку да им дадеме и надеж за живот“, рече сопственичката на домот, познатата битолска режисерка Софија Ристевска, со тоа најавувајќи ја новата ера за згружување на повозрани лица во Битола.

„Третото доба не секогаш е доба во кое луѓето умираат. Или барем тоа не е нашата филозофија. Такко ми пред да фати пандемијата имаше идеја да инвестираме во старски дом. И тој, и мајка ми и сестра , сите се психијатри, па секогаш идејата за незгрижениот човек, за старите луѓе, за овие кои се на маргините , од секогаш ни била блиска и секогаш сме ја имале идејата дека мораме да помогнеме , дека сите заслужуваме парче радост во овој живот“, рече Ристевска.

Таа посочи дека сите нивни штитеници, ќе бидат медицински опслужени, ќе имаат надзор, но и активен социјален живот.

„Оваа инстутуција ќе дава право за активно стареење. Луѓето да не доаѓаат само за да ја дочекаат својата смрт тука да го изживеат третото доба достинствено“, рече Ристевска.

Првите корисници презадоволни

Домот „Софија“ ја доби и првата корисничка, која на отворањето на објектот пред присутните не го криеше своето задоволство од услугата и сместувањето.

„Јас сум Ратка Ѓошевска и живеам во Канада 50 години и сега дојдов тука, но ги скршив нозете, па направив операција. Тука ми помогнаа многу добри луѓе. За овие кои сакаат да ги згрижат постарите лица, тука нека ги пуштат. Сите сме задоволни и шитиениците и семејствата“, рече таа.

Во Домот „Софија“ животот на корисниците нема да биде здодевен, на располање ќе имаат бројни активности и стручна помош. Таму активно ќе се старее.

Дом каде активно се страее

„Ќе има можност да доаѓаат пензионери, повизрасни лица и сите љубители на одредени клубови. За почеток отвораме Дневен центар за активно страеење во чии рамки ќе имаме две групи лица со деменција кои живеат дома , а тука секој ден ќе можат да добиваат социјално –психолошки активности со кои ќе ги зачуваат и подобрат евентуално своите когнитивни и моторни сопсобности.

Претпладне во дневниот центар за активно страеење ќе имаме и група на пациенти кои боледуваат од одредени потешки психијатриски растројства во хроничен тек кои ќе можат тука да добијат квалитетна психо-социјална дневна услуга. Попладне ќе има интересен живот за пензионерите преку клуб за шах, карти, читање на книги и разно разни активности“, изјави проф Д-р Гордана Ристевска- Димитровска, директорка на установата.

Домот е во фаза на лиценцирање на сервис за помош и нега на лица кои живеат дома, а на кои квалификуван медицински и немедицински кадар ќе им се испраќа да им помогне за различни потреби. И тоа не е се, семејно советувалиште веќе функционира во рамки на граѓанското здружение „Одраз“ каде може да добијат услуга лица од ранливи категории

„Ова не е само обичен старски дома каде луѓето ќе бидат згрижени, туку и место каде ќе можат да се радуваат“, додаде Ристевска-Димитровска.

Коњановски: Корисниците ќе имаат исполнети денови во трето доба

Просториите ги освети преспанско-пелагонискиот митрополите г. Петар. На отворањето присуствуваа градоначалникот Тони Коњановски, претседателката на Советот Габриела Илиевска, пратеници, доктори и други истакнати личности од општествениот живот во Битола и пошироко.

„Ова е значаен настан за градот кој потврдува како една идеја , желба, визија стигнува до реализација , до успех и создавање на ваков капцитет по западноевропски стандарди за грижа на старите лица. Верувам, дека со високите стандарди што ги исполнува овој објект корисниците ќе имаат можност за удобро сместување, квалитетна услуга и исполнети денови во третата доба. Со воведувањето и на други социјални услуги како деневн центар за активно стареење, семејно советувалиште и сервис за нега и помош во домовите на стари лица, бенефитите ќе можат да ги почувствуваат многу граѓани на Битола“, рече Коњановски.

Тој изрази надеж дека оваа инвестиција ќе има позитивно економско влијание во општината, ќе отвори нови можности за вработување, а се надева дека овој пример ќе го следат и други инвеститори.

Домот има капацитет да згрижи 30 лица, но наскоро таа бројка ќе достигне до 60 и е доаѓа во вистински момент кога во Битола се бара место плус за сместување во домовите за стари лица.