Инаку, во општина Битола и пелагониските општини Новаци, Могила и Демир Хисар гласањето течи без проблеми. Од Општинските изборни комисии изјавија дека утрово сите гласачки места на време беа отворени и до сега не се забележани никакви проблеми.

„Точно во 7 часот беа сите 170 избирачки места во Општина Битола отворени и засега процесот се одвива нормално без никакви проблеми. Општина Битола има 82 131 гласач, од кои 71 гласач затвореници и 26 болни кои вчера го остварија своето гласачко право“, рече Ѓуро Илиќ, претседател на ОИК во Битола.

Гласањето без проблеми тече и во општина Могила каде веќе јавуваат дека до 9 часот од 5385 гласачи на гласање излегле 55 лица. Во Новаци е исто рака мирно, а на 24 гласачки места гласаат 2977 гласачи. И во Демир Хисар сите гласачки места беа отворени на време и не се забележани проблеми.