Оваа табла е дел од проектот „Сигналитика“ во чии рамки пред 13 години беа поставени 11 светлечки паноа, шест легнати табли и два јарболи пред и на 21 важен културно-историски објект во градот. Донацијата вредна 15.000 евра ја додели тогашниот амбасадор на Република Франција во нашата земја Вероник Бижон Баре.

Дел од паноата и таблите не само што се исчкртани, туку се и демолирани. На социјалните мрежи сите битолчани од петни жили ја бранат традицијата, на терен некои се однесуваат спротивно на тоа. За ваквото однесување досега никој не бил казнет. Но, и ваквото уништување не е ништо во споредба со состојбата во која се наоѓаат дел од старите конзуларни претставништва во Битола кои се распаѓаат низ годините.