Во текот на минатата недела, сите тезгаџии биле известени дека ѓубрето кое го создаваат при продажбата на сопствените производи, треба уредно да го фрлаат во соодветните контејнери за отпадоци. 

По отстранувањето на ѓубрето, следеше темелно миење на Градскиот пазар. Директорот на ЈП „Пазари“ Владе Атанасовски истакна дека е неопходно местото каде што се набавуваат прехрамбени производи, да се чисти и одржува редовно. Атанасовски рече дека миењето во текот на летните месеци ќе биде задолжително реализирано секоја недела, а во зимските месеци, кога тоа ќе го овозможуваат временските услови.