По потпишувањето на договорот во кабинетот на градоначалничката, претставниците на терен од страна на изведувачот беа запознати со почетните активности, со кои ќе започне обновата на овој значаен културно историски објект, не само за градот Битола, туку и за целата држава.

 Овој архитектонски бисер на битолски Широк Сокак, со години беше оставен да пропаѓа, а внтарешноста и надворешноста целосно се руинирани. За негрижата на ова културно наследство поранешниот градоначалник Владимир Талески беше обвинет, но Основниот суд во во Битола, му изрече ослободителна пресуда, која се уште не правосилна. 

Претходната власт се обиде да го продаде овој објект,  на што жестоко се спротиставија битолчани, па се откажа од оваа намера. 

Со реконструкцијата Офицерскиот дом треба да го врати стариот сјај на кој се сеќаваат повозрасните битолчани, а сите со нетрпение очекуваат да се реализира овој проект