Webp.net gifmaker

Битола ќе се збратими со општина Конак од Измир

Ноември 01, 2019
Фотографијата е позајмена од Википедија Фотографијата е позајмена од Википедија

Во понеделник, на празникот 4-ти Ноември, Денот на ослободувањето, Битола ќе потпише повелба за збратимување со Општина Конак од Измир, Турција. Целта на договорот е воспоставување пријателски односи меѓу двете општини на стопански и културен план. Повелбата ќе се потпише во Битола во присуство на преставници од туската општина и градоначалничката на Битола, Наташа Петровска .

Конак е една од најгусто населените единаесет главни урбани области во Измир и историски делувал како административно и економско јадро на градот. Сместен е во област што приближно одговара на географскиот центар на Измир и се протега на 11,4 километри долж јужниот крајбрежје на заливот во Измир.

Битола и Измир се поврзани долго време зашто голем број на Македонци кои во минатото се иселиле од овде живеат во Измир, а таму живееше и е погребан битолскиот песнописец Ајро Демировски, автор на антологиската песна „Битола мој роден крај“.

Сподели

Login to your account

Username *
Password *
Remember Me
© 2021 АПЛА.мк. Сите права се задржани