АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Опремата за новото монтажно спортско лизгалиште пристигна во Битола. Од денеска се очекува да започне монтажата на локација во паркингот пред Спортската сала „Боро Чурлевски“ во Битола.
Во октомври пред советниците во битолскиот Совет за гласање ќе се најди Програма за измена и дополнување на Програмата за урбана опрема на град Битола со нова локација за лизгалиште.
-Битола добива уште едно место за спорт и рекреација, овојпат за зимски спорт што се надевам ќе биде на задоволство на сите граѓани особено младите. До Нова година лизгалиштето треба да биде монтирано и ставено во функција и ќе биде на располагање два месеца до крајот на зимата, изјави Валентин Груевски, претседател на Советот на Општина Битола.
Монтажно спортско игралиште е финансирано од Агенцијата за млади и спорт на Р. С.Македонија.
Владата во август годинава ја разгледа и усвои Информацијата за реализација на Проектот за изнајмување на 7 (седум) монтажни спортски лизгалишта и ја задолжи Агенцијата за млади и спорт да ги обезбеди потребните средства за реализација на проектот во висина од 14.000.000,00 денари, во рамките на сопствениот Буџет за 2019 година.
А.Б
