Тимот ќе биде на располагање на општината додека трае кризата со КОВИД-19. Масовната дезинфекција на станбените комплекси во Нова Битола во придружба на генералниот директор на ЕСМ, Васко Ковачевски ја координираа генералните директори на РЕК Битола Златко Ќурчиевски и на ФОД-Битола, Методија Тасевски.

– Ќе направиме се што е во рамки на нашите можности и надлежности, а нашите професионалци постојано ќе вршат дезинфекција на колективните станбени заедници, објекти во кои има најголема популација од населението, ќе се дезинфицираат индивидуални станбени објекти но и институции на кои ќе им биде потребна помош, рече Васко Ковачевски, генерален директор на АД ЕСМ.

Според него, ЕСМ уште еднаш потврди дека е општествено одговорна компанија.

-Освен општествената, сакаме да ја потврдиме и личната одговорност кон заедницата. Затоа е потребно сите заедно, посветено и одговорно да се справиме со коронавирусот, додаде Ковачевски и најави акции и во други македонски градови.

Покрај екипата од 50 опремени и обучени лица со специјални пумпи, РЕК Битола ќе донира и уште 50 пупми за потребите на Опшина Битола, која пак ја координира акцијата на сите јавните претпријатија, во соработка со Црвениот Крст, за дезинфекцијата на јавните површини низ градот како и на колектвните станбени згради

- Во рамките на оваа акција преземаме активности за чистење, метење, прскање на јавните проментни површини, коловозите, патеките со механзација, а од друга страна работниците на јавните претпријатија учествуваат во дезинфекција со рачни пумпи на влезовите на станбените згради. Во ноќните часови се прскаат коловозите и пешачките премини. Акцијата е веќе при крај, а потоа продолжуваме со машинскиот дел за дезинфекција. Од денес имаме поддршка и од РЕК Битола, а  исто така од Црвениот Крст имаме најава за граѓани волонтери кои што сакаат да помогнт во оваа акција, па се надеваме дека во недела кога граѓаните се посолободни ќе се вклучат. Кога ќе го завршиме овој дел со колективни згради, продолжуваме во индивидуланик уќи, односно површините пред дворовите, на пешачките патеки и коловозите. Тоа ќе го правиме со машини, рече Панде Богоевски, директот на ЈП Комунелец

.

Тој додаде дека останатите дејности се извршуваат со вообичаена динамика, посбено подигањето на комуналниот смет кој се подига редовно, како и одржувањето на зелените површини и уличното осветлување.

Е.М.