Патници со торби доцна попладневно од два автобуси со скопски регистарски таблички беа истоварени во центарот на Битола. Настанот беше забележан од повеќемина битолчани, а наши читатели кои случајно минуваа од таму ни пратија фотографии. Автобусите беа во придружба на полиција. Откако патниците се истоварија и сместија, местото го чуваше полиција. 

Неофицијално од МВР за Апла.мк потврдуваат дека се работи за еден од битолските хотели кој е пријавен да биде карантин и патниците кои дојдоа со автобусите се сместени во него. Неофицијално станува збор за наши државјани од Малта кои се вратија дома и треба превентивно да поминат 14 денови во карантин.