На социјалните мрежи и дел од порталите прво се пишуваше дека човекот бил повратник од Канада, а потоа беше корегирано дека бил од Англија. Во меѓувреме додека недостигаат официјални податоци, се шират различни информации.

Бидејќи човекот живеел сам, била повикана и Противпожартната единица од Битола да ја отвори вратата. Од Пожарната велат дека отишле на улица „Димче Лахчански“, но бидејќи немале заштитна опрема во случај да има заболен во станот, не се обиделе да ја отворат и влезат внатре. Но, кажуваат дека на местото дошла медицинска екипа и полиција. Во станот лицето било мртво.

Од вестите кои се шират на интернет, а не се потврдени е дека лицето 13 дена било во изолација. Нема информации од што починало.