Преку 70 кандидати за советник се пријавиле за советничката листа на СДСМ за претстојните локални избори, констатирал ИО на ОО на СДСМ во Битола на синоќешната седница. Дел од пријавените кандидати се од актуелниот состав на Советот на општина Битола кои со своето работење се наметнаа во јавноста како добри познавачи на состојбите во градот, додека добар дел се нови  и помалку познати партиски членови.  Неофицијално, од актуелените советници кандидатура поднеле Методија Илиевски, координатор на советничката група на СДСМ, Борче Корлевски, Елеонора Илиевска, Виолета Дракалска, Тања Крнчева, Жаклина Наумовска и  Влатко Шеровски. 

Според правилникот на партијата постапката за избор на кандидати за градоначалник и советници треба да заврши на 30 август годинава. 

За кандидати з аградоначалник синоќа официјално кандидатури поднесоа актуелната градоначалничка Наташа Петровска, првиот човек на ЈКП „Водовод“ Горан Козаров и актуелниот советник Зоран Стојчевски вработен во АПРЗ.