На овој музички спекатакл, насловен „Брдвеј во Битола“ заедно со оркестарот силни и импресивни изведби имаа солистите Наде Талевска, Елена Петреска, Игор Узунов, Марија Груевска, Ана Гаштарова на најубавите бродвејски мјузикли како: „Коса“, „Мулен руж“, „Кабаре“, „Приказна од западната страна“, „Фантомот од операта“, „Убавицата и ѕверот“, „Девојки од соништата“ и многу други.

Аранжманите на композициите кои беа изведени на концертот ги подготви Владимир Димовски, кој е диригент на Камерниот оркестар од Битола

Публиката која до последно место ја исполни големата сала на Ценарот за култура неколку пати побара оркестарот и солистите да излезат на бис, а од сцената ги испратија со долготраен аплауз.

Концертот беше збогатен со изведби на танцовиот спортски клуб „Степ ап“

Ова е втор  концерт на Камерниот оркестар оваа сезона, кој ја започна годината со одличната „Џон Вилијамс симфонија“, која беше претставена пред битолската и скопската публика.

Камерниот оркестар веќе неколку години работи под покровителство на Центарот за култура, а концертот е поддржан од Министерството за култура.