Битолскиот неврохирург д-р Владимир Рендевски ќе биде новиот заменик министер за здравство. Центалниот одбор на СДСМ денеска даде светло со што д-р Рендевски влегува во владата на Димитар Ковачевски во секторот здравство.  Од 2017 д-р Рендевски е прв човек на Клиниката за неврохирургија во Скопје, а во 2020 година ја доби 4-то Ноемвриската награда на град Битола за едногодишно остварување. Тој е доцент по хирургија и неврохирургија на катедрата на Медицинскиот факултет во Скопје, докажан хирург на Универзитетка клника за неврохиругија кој има објавено над 70 стручни трудови.

Неврохирургот Рендевски е третиот  битолчанец во Владата на Ковачевски, по министрите за локална самоуправа  Горан Милевски и Бисера Костадиновска Стојчевска за култура.