Во изминатите години додека на власт беше ВМРО-ДПМНЕ, тогашниот премиер Никола Груевски немаше дојдено во официјална посета во кабинетот на градоначалникот. Груевски го имаше посетено Владимир Талески во Општината во 2005 година кога сѐ уште не беше премиер.

По дванаесет години премиер стапна во општинската зграда, па не е ни чудо што службениците ѕиркаа по прозорците. Едни од предната страна на објектот љубопитно го следеа неговото доаѓање, други гледаа од задните прозорци кога во дворот ја даваше изјавата. Похрабрите пак, излегоа да го пречекаат и поздрават по ходници. Премиерот оставри средба со градоначалничката Наташа Петровска во нејзиниот кабинет, а потоа со стопанствениците се сретна во општинската сала за седници која е сместена во дворот на Општината..