Реконструкцијата на мостот кај Безистенот е во завршна фаза и најверојатно ќе биде готов во првите денови на јуни, рече градоначалникот Тони Коњановски. Тој додаде реконструкцијата не можеше да заврши побрзо зашто мораа да бидат запазени сите потребни мерки и да се извади целата документација.  

„Мостот е во завршна фаза, поставена е бетонската конструкција, која тревба да одлежи. Сметам дека првите денови на јуни ќе биде готов. Неопходна е оваа фаза на одлежување и добивање на јачина на бетонот. Следи само тестирањето кое ќе биде во еден ден, асфалтирањето на површината и ќе биде спремно. Граѓаните мора да имаат разборањее зашто мораа да бидат запзени сите правни мерки, се соочивме со триесетина документи и дозволи кои требаа за да се направи реконструкцијата, не можеше ништо побрзо од ова“, рече Коњановски.

Мостот е затворен за сообраќај од ноември минатата година бидејќи имаше сериозно оштетување на носачите.  

Градоначалникот Тони Коњановски денеска пред советниците на седница на Општинскиот Совет образложи до каде е постапката за реконструкција на мосто кај Безистенот. Тој рече дека се добиение дел од потребните документри, се чека уште еден, водостопанска согласност од Министерство за животна средина, по што ќе се поднесе барање за одобрение за градба.