Со над 25 милиони денари во пограничното село Гермијан се уредува поројот, каналот каде се собира надојдената вода при обилни врнежи или топење на снегот. Поројот се средува со средства добиени од грант преку ИПА програмата на ЕУ и од буџетот на Општина Новаци.

По повод стартот на новата учебна година градоначалникот Љубе Кузманоски го посети централното училиште Славко Лумбарковски -Новаци и заедно со директорот на училиштето Илче Соклевски им посакаа топло добредојде на 17 првачиња од кои 9 првачиња во ЦОУ. Славко Лумбарковски и 8 првачиња во подрачните училишта.

Општина Новаци денеска прослави 22 годинa  од своето основање, а Советот одржа свечена седница на која свое обраќање имаше градоначалникот Љубе Кузмановски.

Градоначалникот на Општина Новаци, Љубе Кузманоски,  за престојната 2018 година најави реализација на бројни капитални инвестиции. Од општинскиот буџет ќе се инвестираат околу 6.5 милиони денари за реконструкција, одржување, асфалтирање и тампонирање на патишта и улици на територијата на  општината. Околу 5 милиони денари ќе бидат искористени за реконструкција и доградба на општинската зграда и уште 140 000 денари за купување на опрема.

Се конституира Советот на општина Новаци, а за претседател е избран  Наумче Смилевски од СДСМ, со 5 гласа за и четири воздржани.

Новиот општински Совет  брои девет советници, четворица  од кандидатската листа на СДСМ, исто толку советнички мандати  освои кандидатската листа и на коалицијата предводена од ВМРО-ДПМНЕ, и еден советник од независната листа на  Стефан Каранфиловски.

Новиот претседател на Советот, Смилевски, на присутните советници им се заблагодари на изборот и изрази надеж за понатамошна соработка.

Честитајќи им го изборот на новите советници градоначалникот на Општина Новаци , Љубе Кузманоски, рече дека малкумина ја имаат честа да бидат советници, што е истовремено и привилегија, но и  одговорност, затоа што оние кои ги избрале по четири години ќе бараат резултати од нивното работење.

„ На сите избрани советници ви го честитам четиригодишниот мандат и се надевам дека сите заедно ќе работиме за да се имплементираат проекти од интерес на сите граѓани и од интерес на развој на локалната самоуправа. Советниците се и посредници помеѓу граѓаните и нивните потреби и локалната власт, кои идеите и проблемите на жителите ќе ги преточат во проекти за доброто на сите, но советниците се и финансиери, затоа што заедно со мене ќе работат на изнаоѓање средства и финансии за реализација на програмите кои ќе ги имплементираме. Посакувам да бидеме сите во функција на  граѓаните, со цел по четиригодишниoт мандат да oставимe проекти кои ќе се паметат и со кои ќе се гордееме“, порача Кузманоски.