Синоќа починал битолчанецот Владимир Поповски (85) кој минатата недела  се водеше за исчезнат и  беше најден под Тумбе Кафе. Старецот исчезна на 13 мај, а по два дена на 15 мај беше најден со тешки телесни повреди паднат меѓу дрвја на Тумбе Кафе и веднаш хоспитализиран во Битолската болница. После нецели четири дена битолчанецот им подлегна на повредите. Дирекцијата за заштита и спасување од Битола која учествуваше во потрагата извести дека лицето е пронајдено паднато во провалија  со видливи повреди по целото тело , но дека покажувало  знаци на живот и со возило на Итната медицинска помош итно беше  пренесено во Битолската болница.