Во Прилеп деновиве се одржа Регионална средба за песна музика и игра меѓу пензионерите од четири општини Битола, Прилеп, Демир Хисар и Крушево. На средбата присуствуваше и претседателката на Сојузот на пензионерите Станка Трајкова. Таа ја прогласи средбата за отворена, посакувајќи им на пензионерите добро здравје и што почето организирање на вакви манифестации на кои пензионерите можат да се дружат и забавуваат.

Извршниот одбор на Здружението на пензионери од Битола на денешната седница расправаше за некои прашање од доменот на својата активност. Претседателот, Томе Димитровски,  инфомрираше дека за нов претседател на Сојузот на пензионери на Македонија е избрана Станка Трајкова, а во одборите и комисиите  кооптираат  7 членови на битолското Здружение на пензионери, со можност кога ќе се докомплетираат и останатите комисии да кооптираат и други пензионери од битолското Здружение.

Министерката за одбрана и заменик претседател на Владата, Радмила Шекеринска, беше во работна посета на Здружението на пензионери од Битола. На средбата се разговараше за теми актуелни за пензионерите, а присутните имаа можност да ѝ поставуваат и прашања.

Како што информира претседателот на Здружението на пензионери од Битола, Томе Димитровски, средбата протече во најдобар можен ред и пензионерите беа задоволни од дговорите што ги добија од Шекеринска на поставените прашања.

Извршниот одбор на Здужението на пензионери од Битола под претседателство нa Tоме Димитровски одржа седница на која се расправаше за склучување на договор со превозниците за патување во градскиот автобуски превоз и екскурзии низ земјава. Се зазеде став цената на билетот за градскиот превоз да не извесува повеќе од 10 денари, а низ земјава да не биде повеќе од 50 денари. Сегашниот билет изнесува 20 денари, а Здужението е со став пензионерите да плаќаат по десет денари и уште толку да субвенционира за нив Здружението. За таа цел в вторник ќе треба да се одржи уште еден состанок со битолските превозници и да се дефинира договорот што ќе биде склучен.

Здружението на пензионери од Битола донираше парични средства за наградите на конкурсот за краток расказ „Баба“ што го распиша Организацијата на жени од Битола по повод 8-ми Март.

Во категоријата возрасни беа доделени три награди, од кои прво место за Ели Маказлиева за расказот „Планина од полски цвеќиња„, второ место Габриела Стојаноска Станоеска за „Баба Неша“ и трето место Снежана Паноска за „Душата на мојата баба“.

Од учениците првото место го освои Маихаела Марковска од ОУ „Браќа Миладиновци“ од село Добрушево за расказот „Љубов со големи дела“, второ место Лела Стојановска од ОУ„Климент Охридски“ од Битола за расказот „За баба“ и третото место Николче Вашеревски од село Ношпал за расказот „Љубов со големи дела“.

Во забавниот дел децата од големата група од градинката Мајски цвет со нивната учителка Татјана Грегова изведоа стихотворби, песнички, а поставија и изложба на детски творби на тема ,,Мојата баба,,.

Организација на жени од Битола по шести пат ги додели наградите за краток расказ за конкурсот што го објавуваат по повод 8 –ми Март.