Многу мал е бројот на граѓани кои знаат за постоењето на законот за бесплатна правна помош, за нивните права како и за тоа каде можат да се обратат за да започнат за решавање на нивните проблеми, беше речено денеска на прес-конференцијата „Резултати од досегашната имплементација на проектот Пристап до правда во Македонија“, што се одржа во Младински културен центар - Битола.

Од печат излезе стотиот број на магазинот за хумор и забава „Без навреда“. Опстојувајќи веќе 13 години во македонскиот медиумски простор весникот ги орасположува и насмевнува битолчани, но и преку хумор остроумно и духовито испраќа критики за одредени состојби во општеството. Битолчани привикнаа да примаат месечна доза од вицотеката на уредникот Панде Димитровски и карикатурите на Блаже Докуле, Владо Крстевски, Миле Милевски и други. Двесет и четирите страници изобилуваат со стотина вицеви, афоризми и друг хумор.

Клиничката болница Битола започна со реализација на проектот HEALTH -INFO добиен од програмата IPA CBC за меѓугранична соработка на Македонија и Грција финансиран од ЕУ. На овој состанок во Солун присуствуваа директорот на Клиничка болница Битола Др.Зоран Лазаров заедно со стручниот директор Др.Александар Димовски каде беа договорени проектните активности.

Градоначалникот на Скопје Петре Шилегов синоќа преку комични и сатирични оценки за неговата работа даде отчет за сработено во првата година од неговиот мандат, пренесува СДК.МК.

На вечерата „Скопска прес дружба“, на која присуствуваа новинари, градоначалници, директори на јавните претпријатија на Град Скопје, како и дел од министрите во Владата, за работата на Шилегов говореа новинарот Сашо Ордановски, Бранко Огњановски и градоначалничката на Битола Наташа Петровска. Тие се шегуваа за комарците, проблемот со кучиња скитници, загадениот воздух, ваучерите за пијани возачи, сообраќајниот метеж…

Со цел обезбедување на услови за спортско рекреативни активности на локалното население од село Долно Агларци посебно на младата популација, Општина Новаци изгради мултифункционално игралиште.Средства се обезбедени со грант од Светска банка и буџет на општина Новаци.

На Меѓународниот урбанистички конгрес што деновиве се одржа во Стразбур, на Генерланата дирекција на Вакфи од Турција на свечена церемонија им беше доделена наградата за архитектонска заштита на битолската Хајдар Кади Џамија..

За прв пат во битолската Клиничка болница извршена е операција на проширени вени, соопшти менаџметот на оваа здрвствена установа. Оперативниот зафат бил изведен врз 43 годишна пациентка од страна на врвниот хирург од ЈЗУ Државна кардио хирургија од Скопје, др. Мишел Андов заедно со др. Александар Гацовски специјализант на васкуларна хирургија вработен во битолската Клиничка болница.

Реплики на ретки икони кои го краселе само манастирот во Слепче насликал познатиот ликовен уметник од Демир Хисар, Љубе Неделковски –Бобек. Меѓу нив се иконите на Богородица Троеручица, која пак ја има само на манастирот во Хилендар и во Слепче. Но, македонската икона е однесена во Музејот во Скопје и таму се чува, а Бобек насликал икона како онаа слепченската, давајќи свој уметнички белег во сликањето..

Марјан Танушевски, член на ЛК „Битола“ го доби највисокото европско признание – медал за лидерство, а одличјето лично му го врачи претседателката на Светската лајонс федерација, Гудрун Ингвадотир од Исланд, во присуство на нејзиниот прв заменик меѓународен претседател Јунг Јул Чои од Јужна Кореа и вториот заменик меѓународен претседател на светската Лајонс федерација, Хајнес Таунсенд од САД.