Со зурли и тапани, аплаузи и скандирања „Стево, Стево“, СДСМ од Битола ја слави победата на нивниот кандидат Стево Пендаровски на вториот круг од претседателските избори.

Според првичните неофицијални податоци на ДИК од обработени повеќе од половина избирачки места, кандидатот за претседател Стево Пендаровски е во благо водство пред Гордана Силјановска Давкова во Битола.

Имено, од обработени 55,29 проценти од избирачките места, Стево Пендаровски има освоено 48,89 проценти од гласовите, а Силјановска Давкова 47,60 проценти. Во гласови тоа е 10 061 глас за Пендаровски и 9794 гласови за Силјановска Давкова.  .

Генералниот секретар на ВМРО-ДПМНЕ Игор Јанушев обвини дека за време на изборниот ден во Битола било присутно, како што рече „целокупното подземје на градот , осудени криминалци, кои ги заплашуваа граѓаните да гласаат за власта“.

Министерот за внатрешни работи Оливер Спасовски рече дека во МВР бил пријавен еден случај на организирано носење на гласачи на едно избирачко место во Битола, меѓутоа утврдено е дека пријавата е неоснована.

Од СВР Битола велат дека пријави за заплашување на гласачи не добиле во текот на денот. Жалби од граѓани за изборниот процес нема ни во Канцеларијата на народниот правобранител во Битола.

Имавме кристално чисти, фер и демократски избори како што доликува на европска модерна и демократска држава,рече Александар Кирацовски, претседател на Изборниот штаб на СДСМ. 

-Очекуваме и останатите учесници во изборниот процес да дадат признание за мирно спорведените демократски и слободни избори. Никој да не се обидува преку лажни вести и измислици да бара алиби за непоскауван резултат од изборите. Мнозинската волја на граѓаните изразена на фер и демократски избори мора да биде испочитувана од секого, - рече Кирацовски.   

.

До 17 часот, според ДИК, излезноста во Битола е 45,69 проценти.

Во Новаци 56,57 проценти, Могила 46,63 проценти, Ресен 39,71 процент, а и понатаму лидер по одзив во Југозападниот регион е Демир Хисар со 60,40 отсто излезеност на гласачите.

По избирачки места најголема излезност во Битола до 15 часот е регистрирана во централното градски подрачје, Ушици, Триаголникот, а најмала на едно избирачко место во месната заедница „Димитар Влахов“ и селата Раштани и Граешница.

До 13 часот за три проценти е поголем одзивот на битолските гласачи на вториот круг од претседателските избори во однос на првиот круг. Во првиот круг  до 13 часот имале гласамо 25 проценти, а сега во вториот 28,13 проценти. 

Од пелагониските општини на прво место со најголема излезност е Прилеп, до 13 часот гласале 33,87 проценти од гласачите. 

На второ место е Новаци со 30,89 проценти. 

На трето е Демир Хисар со 28,3 проценти илезени гласачи на гласање. 

На четврто место е Битола, на петто Могила со 21,92 проценти и на шесто Ресен со 20,45 проценти излезност. 

Лошото време пропратено со студ, магла и дожд не ги поколеба планинарите од Полициско- спортскиот планинарски клуб „7-ми Мај“ да го изодат осмиот традиционален планинарски марш „Смилево 2019“. Движејќи се по патеките по кои некогаш и војводите со комитите пристигнале во Смилево на познатиот Смилевски конгрес во 103 година, планинарите го одбележаа 7-ми мај, Денот на полицијата.