Членовите на Здружението на пензионери од Битола беа меѓу најуспешните натпреварувачи на Регионалните спортски игри што викендов се одржаа во Крушево под покровителство на Сојузот на пензионери на државата. На Регионалните пензионерки спортски игри учествуваа претставници на здурженијата од повеќе градови. Се натпреваруваа во повеќе дисциплини и тоа, шах, домино, пикадо, влечење јаже, кошарка  и друго, со што покажаа дека иако пензионери сепак се уште се витални и добро ги служи здравјето.

Покрај натпреаврувачкиот дух, игрите послужија и за ширење на пријателството. Победниците добија благодарници и пласман на Државните пензионерски спортски игри што ќе се одржат на есен.

Барем едно од министерските места во Владата што ќе се реконструира да биде пополнето со кадар од Битола, очекуваат битолчани. Целта е да се лобира повеќе во Владата за проекти кои се значајни за Битолскиот Регион.

Биточани четири години немаат добиено министерско место. Во Владата на Заев од Битола беше само заменик министерот за здравство, Гоце Чакаровски, кој потоа беше поставен за национален координатор од истата област.

Град со големина на лешник попладнево падна во населите Областа, Касарната, Црн Мост и околу Клиничката болница. Врнежите беа доста интензивни, па градот успеа да побели дел од покривите на објектите. Силното невреме проследено со обилни врнежи на дожд предизвика поплавување на визби во некои згради во овие населби, како и кратки прекини на струјното напојување. Ова е втор ден како Битола е зафатена од обилни врнежи и грмотевици. Силно невреме и вечера го имаше приклештено градот во вечерните часови и го отежна сообраќајот.  

„Бевме многу хумани луѓе. Сите работевме како медицински сестри на различни места, кој во болница, заводи, амбуланти. Но, мисијата на која не учеа во школото беше да им помагаме на другите луѓе и мислам дека останавме доследни на тоа“, вели Лепа Гегараковска, поранешена медицинска сестра од Заводот за деца со оштетен слух од Битола.

И покрај врнежливата вечер, со спектакуларен огномет, во присуство на стотина деца од целиот свет, синоќа во старата битолска чаршија беше отворено 38-то издание на детската ликовна колонија „Мал битолски Монмартр“.

Универзитетските професори Тале Герамитчиоски, поранешен министер за образование и досегашниот ректор Сашо Коруновски се двајцата кандидати на изборот за рекор на Универзитетот „Св. Климент Охридки“ во Битола.

Јавното претпријатие „Стрежево“ од Битола на своите вработени и сите Македонци им го честитаат 24 Мај, Денот на сесловенските просветители Свети Кирил и Методиј.

Ученици од Битола во соработка со Регионалното географски друштво „Геосфера“ и Астрономско друштво од Битола на едукативната изложба „Патување низ сончевиот систем“ сонцето го намалија 23 милијарда пати, како да е тениско топче, а постери и макети од другите планети ставија низ Широк Сокак.

„Со акцијата сакаме да го свртиме вниманието на младите, да ја возобновиме онаа идеја којашто пред повеќе години беше актуелна за изградба на мала опсерваторија на Тумбе кафе. Покрај сите работи во државата, треба малку да се внимава и на делот на науката. Децата навистина имаат голем интерес за астрономијата и сакаат да учествуваа во вакви активности“, рече Мите Ристов од „Геосфера“-Битола.

Во Битола, посебно во гимназијата „Јосип Броз Тито“ отсекогаш имало ученици заинтересирани за изучување на астрономија, но бидејќи нема Факултет за астрономија во земјава, туку само насока на Природно-математичкиот факултет, повеќето од нив заминаа да студираат во странство.

„Да не го заборавиме Александар Шулевски, кој е во Белгија, благодарение на него Астрономското друштво ѝ донира на ‘Геосфера“ телескоп не е со голема можност, но е доволен за да ги придобие сите вљубеници во астономијата“, рече Ристов.