Во 15,40 часот во Битола беше почувствуван земјотрес чиј епицентар беше во Грција. Епицентарот беше на осум километри северозападно од Лерин, односно на 21 километар јужно од Битола. Јачината беше со магнитуда 3, а длабочината на епицентраот еден километар. Ова беше уште еден од серијата земјотереси што во последно време се случија во Грција и Албанија, а беа почувствувани во Битола.

Вистински музички спектакл приреди балканската музичка ѕвезда на Фестивалот на музика од светот во Битола. Битолчани ги почести пеејќи ја песната ,,Ако одам во Битола", а потоа следеа ,,Јовано, Јованке", ,, Судбо клета", ,,Шекерна"" и други македонски и српски хитови. 

Локалното мнозинство и опозицијата денес расправаа за развојните планови на Општина Битола во периодот од 2020 до 2022 година. Опозицијата обвини дека едно од главните ветувања што било дадено уште во претходната развојна програма не е реализирано, а тоа е гасифиакција. Од власта им одговорија дека екипа од Општината посветено работи на реализацијата на тој прокет, но ќе го направат и Офицерскиот дом, трибината на Стадионот, како и реконструкција на улицата „Илинденска“.

Меѓусебната почит на актерскиот колектив која се негувала со години, а не попуштала дури и пред невкусните шеги од битолскиот ансамбл направи големо семејство.

Пратеникот на Социјалдемократскиот Сојуз од Битола, Александар Кирацовски, ќе поднесе Предлог закон со кој кривичните дела извршени од избрани и именувани функционери нема да застаруваат, напиша тој на својот фб профил.

„Спасувањето на Никола Груевски од кривичен прогон во случајот ‘Траекторија’ е ситуација која не смее да се дозволи и да се испушти од вид, туку треба да се предвиди и превенира, особено ако се има во вид крајно корумпираното судство (со чесни исклучоци), подготвено да биде на услуга на екс политичкиот кадровик во судскиот систем.

Бегството во Унгарија и застарувањето на ова дело, (Траекторија), поради истекување на рокот од шест години, без правосилна пресуда, од јавноста се прочитани како спас на симболот на криминогеното политичко подземје за време на неговото владеење, Никола Груевски, луксуз кој не смееме да си го дозволиме ни сега ниту во иднина“, напиша Кирацовски.

Тој најави дека ќе побара поддршка од сите 120 колеги пратеници да се приклучат кон ова законско решение и заедно во најбрз можен рок истото да биде изгласано и применето во позитивните законски прописи во државата.

„Словенија е топ дестинација за студенти од Северна Македонија. Тоа станува своевирден феномен. Во моментов има околу илјада македонски студенти, што е рекорд оти од ниедна друга земја нема толку“, рече словенечкиот амбасадор Милан Јазбец кој денес промовираше свои книги во Библиотеката на Гимназијата „Јосип Броз Тито“ во Битола.

Утре во 18 часот во Завод и музеј Битола ќе биде промовирана фото-монографијата „Црвениот виор на Тоде Ивановски“ чиј автор е неговата ќерка, новинарката Данка Јанковска. Организатор на промоцијата е Општинскиот одбор на Сојузот на бораци од Битола.

Во денешните учебници ги нема како порано илустрациите од антифашистичката Народно ослободителна борба (НОБ) нацртани од умешните раце на големиот македонски ликовен уметник и партизан Тоде Ивановски (1924-2005) од Битола. Критичарите велат дека со една линија со молив или туш знаел да наслика цела композиција, па и битка од НОБ. Генерации израснаа гледајќи ги неговите цртежи во учебниците по македонски јазик и историја. Неговите цртежи од НОБ беа едни од најзастапените во учебниците и лектирите.