Видео материјал од врвот Пелистер кој никого нема да остави рамнодушен изработи Пантелејмон Трпчевски, ученик од четврта година во Гимназијата „Јосип Броз Тито“ од Битола. Материјалот изобилува со снимки од прекрасни планински предели, на дел од нив се гледа врвот над море од облаци,  а успеал да го улови и магичното изгрејсонце. Трпчевски е голем вљубеник во планината, а неговата планинска авантура ја преточи и на видео материјал во кој можат да уживаат и оние кои оваа зима не можат да се искачат на врвот. Материјалот е измонтиран од снимки кои тој ги направил од 25 декември 2019 година до трети јануари годинава и е насловен „Hike Pelister“

Ж.З.  

Извршниот одбор на Здужението на пензионери на Битола под претседателство на Томе Димитровски, согласно програмата за оваа година, со донаторски акции да помага специјализирани медицински установи, на својата последна седница одлучи повторно да го помогне Домот за стари лица „Сју Рајдер“, а ја прифати и поканата за склучување на меморандум за соработка со Здуужението на пензионери од општина Ѓорче Петров. Во врска со извештајот за финансиската работа во минатата година и извршениот попис се произнесе Валентина Станојовска, а истиот  беше прифатен со нагласок и натаму да се продолжи со економично работење и трошење на средствата само за потребите на пензионерите. 

На седницата беше информирано дека и годинава Здужението на пензионери од Македонски шуми ќе бара да им бидат доделени 8 000 кубици дрва, а по нивната одлука ќе се започне со запишување на пензионерите за огревно дрво за сезоната 2020/2021. 

И покрај благата зима, бројот на пожари во Битола е голем. За 34 денови двојно повеќе пожари. 

„До овој момент имаме 60 интервенции, последните два- три дена иако беше топло време, имавме повеќе интервенции на отворен простор што значи менталитетот и недоговорносота на граѓаните, си продолжуваат. Вчера имавме два прожари во близина на Националниот парк Пелистер. Ќе мора да се бараат сили и начини да ја подигнуваме свеста. Ако почетокот е ваков, во топла зима на ден имаме шест интервенции, тоа се сериозни параметри за тоа што не очекува“, рече Костадин Поповски, командир на Противпожарната единица во Битола. 

Најавеното доаѓање на вицепремиерот и министер на одбраната на НР Бугарија, Красимир Каракачанов во Битола, со намера да ја промовира книгата за Тодор Александров, без каво и да е предимензионирање на настанот, може да се изроди во провокација, со сериозен ризик. Или пак е намерно програмирана тенденција да се испровоцира конфликт.

Како прво, Каракачанов, претседателот на партијата на бугарското ВМРО, кое не е ништо друго, туку политичко-полициска творба , е репрезент на екстремното крило на бугарскиот национализам, со исклучително дрска антимакедонска назнака. Познати се неговите политички опструкции, насочени против остварувањето на националните права на Македонците во Бугарија. Посебно иритирачки се неговите потфати за брутални прогони на Македонците во пиринскиот дел, за задушување на нивните културни и историски пројави со македонски етнички одлики. Заедно со некогашниот државен јавен обвинител, Татарчев, кој имаше македонско потекло, а беше познат, посебно по јавно искажаната драконска закана - "За Македонците само пендрек", предводејќи го одредот полициски црвени беретки, им забрануваа на нашинците да положуваат цвеќе на споменикот на Гоце Делчев во Благоевград, или да го посетуваат гробот на Јане Сандански крај Роженскиот манастир на Пирин Планина, на денот на неговата погибија, кој за нив е македонска револуционерна легенда и заштитник на тој дел од македонскиот народ и македонската земја.

Како второ, на Каракачанов, се едно во каква улога доаѓа во градот под Пелистер, како гостин на настанот, или како учесник во тимот промотори на книгата за Тодор Александров, совршено добро му се познати ставовите на македонската официјална историографија за таа личност. Впрочем и во нашата колективна меморија тој е отсликан со бои на исклучителен негативец, со педигре на повеќеслојна контроверзна фигура во македонската национална револуционерна историја од почетоците на минатиот век, со нескриени одроднички и предавнички влијанија, во интерес на туѓинска кауза.

Како трето, промоцијата и гостувањето на бугарскиот министер на војската треба да се случи во Битола, град кој изнедри десетици херои и стотици борци, жртви на окупаторите, на бугарскиот фашизам и регрутираните од него домашни соработници во текот на Втората светска војна.

Многу е симптоматичен потегот на организаторот на овој настан, кој е најавен како културна пројава, а далеку е од тој атрибут. Во секој случај, е со мирис и вкус на антимакедонски чин со провокативна содржина.
Апсолутно не е за пренабрегнување прогласот на битолските борци и продолжувачите на традициите на македонските слободољубци, да се спречи доаѓањето на Каракачанов во улогата на промотор, која има нескриена провокативна тенденција. Посебно во овие чувствителни мигови на македонската држава, кога се прават значајни исчекори за надминување на мноштвото македонско-бугарски дисонантни тонови, главно во сферата на историјата. Битолките борци не ја кријат желбата да го видат господинот Каракачанов, како добронамерен значаен гостин од соседна Бугарија, но не во улогата во која тој е најавен.

Пишува Бошко Нацевски, новинар (колумната е презмена од неговиот фб профил)  

(Ставовите изнесени во колумните не се ставови на редакцијата на Апла.мк. Затоа Апла.мк не сноси одоговорност за содржината на истите)

Гоце Делчев самиот кажал и напишал чиј е, а за тоа на кој јазик зборувале Гоце Делчев и Браќа Миладиновски нема смисла да спориме во 21 век. На Австрија не и пречи да зборува германски јазик, а да биде независна држава, рече вицепремиерот и министер за одбрана Красимир Каракачанов на денешната промоција на книги за Тодор Александаров, полковник Дранго и други личности во Битола.

Доаѓањето на лидерот на ВМРО- Бугарска национална партија да ги промовира книгите токму во Битола, ги разбрануваа емоциите на битолчани. Пред самиот почеток на промоцијата за влакно беше избегнат инцидент откако музичарот Славчо Спировски Слав му упадна во збор и го негираше тоа што Каракачанов го кажуваше за Делчев.

Општинскиот инспекторат врши редовни контроли на терен, а само во вчерашниот ден беа забележани неколкумина обиди за палење на оган во Трново и Битола.