Европската енергетска криза ги остежнува активностите од зеленото сценарио, и во Европа и кај нас, изјави генералниот директор на АД ЕСМ, Васко Ковачевски, на енергетската конференцијата МЕФ 2022 во Охрид. Говорејќи на панелот ,,Нови пристапи во постигнувањето на целта за нет-зеро”, Ковачевски порача дека АД ЕСМ паралелно функционира на две траси, односно работи на стабилно обезбедување и испорачување електрична енергија за граѓаните, и истовремено работи на изградба на електрани на обновливи извори и спроведување на зелената агенда.

,,АД ЕСМ продолжи со инвестициите во обновливи извори и покрај енергетската криза. Токму првата фотонапонска електрана Осломеј-1 е изградена во текот на ковид кризата и енергетската криза, во исклучително тешки услови за работење, и таа електрана веќе произведува електрична енергија од сонце. Обезбедивме финансирање и за ФЕ Битола-1 од 20MW и ФЕ Осломеј-2 од 10MW. Имаме и други проекти за обновливи извори во подготовка, со кои имаме намера да со замениме производството од јаглен, додека базната енергија би се обезбедувала од електрани на гас, и од хидроелектраната Чебрен, кој проект исто така посветено го водиме”-изјави директорот Ковачевски.

Ковачевски потенцира дека сите држави доживеаја последици од енергетската криза врз нивните програми за намалување на емисиите во атмосферата и спроведувањето на активности кон зеленото сценарио, а причините за тоа се големите финансиски средства кои енергетската криза ги побаруваше од државните буџети, така што и државите и енергетските компании мораа да кратат средства од други програми за да можат да обезбедат доволно електрична енергија, но и други енергенси за секодневното функционирање и потреби на граѓаните.

На крајот, директорот Ковачевски го потенцираше придонесот на Управниот одбор и Надзорниот одбор, директорите и сите вработени во ЕСМ, со чиј максимален ангажман во време на најголемата енергетска криза воопшто, се обезбедува сигурна и стабилна испорака не електрична енергија и притоа се заштитуваат граѓаните и малите потрошувачи од енормни зголемувања на цената на струјата.

Во фоајето на Центараот за култура во Битола отворена концептуалната изложба АЛГА која претставува симбиоза помеѓу современиот моден дизајн на брендот LOM Label, уличната уметност од Hybrid Minds и електронската музика на една селектирана група на ДЏ артисти од Битола со едноставна мисија, да се промовираат локалните уметници и нивното ново создавање со еко порака која е повеќеслојна.

Имено, за модната колекција на LOM Label се употребени природни и алтернативни материјали. Посветено е посебно внимание кон кроењето при изработката на модните парчиња да се создаде минимален отпад, а остатоците од материјали се реупотребуваат за да се изработи ново парче облека или моден додаток. Овој моден бренд позади кој стои модната дизајнерка Марта Дојчиновска, овој пат се враќа кон нејзината публика со колекција која е составена од фузија на органски, флуидни, нежни и геометриски форми инспирирани од алгите.

И тој лајтмотив е исто така тема на уметничките дела на Драган Милованов-познат графити уметник со изразен личен печат во она што го созадава. Неговите дела ја раскажуваат љубовта кон природата, зачувувањето на зелените површини, графитите, уличната уметност, сѐ заедно претопено на уметничко платно со уникатен стил на изразување и силна порака за грижа кон животната средина.

„Фокус на АЛГА се организмите алги, флуидните форми како и варијациите на бои кои што алгите ги имаат, нивните бенефити за животната средина и еко-системот, како и нивниот опстанок во секое годишно време. Од транспарентна бела, сива, свежо зелена па се до црна…бојата и формите на алгата се провлекуваат низ модната колекцијата и ќе се главен двигател и низ уметничките дела”- истакнуваат авторите на изложбата. Изложбата трае до понеделник, а на овој четиридневен модно-уметнички и музички перформанс свои сетови ќе имат DJ Dejan Dex, Herzel и Chiko. Проектот е поддржан од Министерството за култура.

Спомен куќата на Гоце Делчев во Битола во изминативе четири години  се обновува, осовременува и се работи на нејзина комплетна реконструкција.

Невремето со силни врнежи дожд што попладнето ја зафати Битола искрши дрвја низ градот, а предизвика и поплави во визби од станбени објекти. Иако траеше кратко, невремето предизвика проблеми во одделни делови од градот. 

АД ЕСМ потпиша договор со ЕБРД за поволна кредитна линија за изградба на две фотонапонски електрани, ФЕ Битола-1 од 20MW и ФЕ Осломеј-2 од 10 MW. Изградбата на двете електрани ќе чини околу 25 милиони евра, од кои 5,7 милиони евра ќе бидат грант од Европската комисија, што го намалува кредитот и самите трошоци за изградба за 20%. Ова е показател дека европските институции ги вреднуваат заложбите на Владата и на ЕСМ за брза и праведна транзиција кон зелена енергија.

извор – marh.mk 

Локација: Булевар 1-ви Мај, Битола

Автор: Борис Чипан; сор. Методија Трајковски;

Година: 1958

Извор: Архитектонско истражување на Орхан Сулејмани и Бисера Коџасинска, 2016; Градски архив – Битола (технички предмер:; 2.240.110.9./143); build.mk; babambitola.mk;

Во изминатите пет години во Техничкото училиште во Битола се извршени капитални инфраструктурни зафати, први во толкав обем во последните 36 години од кога постои училиштето со кои во огромна мера се подобрени условите за учење и работа во училиштето од кои бенефит гледаат и учениците и вработените.

Заедно со проектот за нова енергетски ефикасна фасада кој го финансира МОН и е во фаза на очекување на започнување на градежните работи, во училиштето се вложени близу 600.000 евра. Променет е стариот азбестен покрив, заменета е старата дрвена дограма со нова ПВЦ, комплетно е заменето осветлувањето со економични ЛЕД панели, направени се најдобрите спортски терени во градот кои се единствени со мека тартан подлога, заменети се подови во училниците, поставено ново заштитно громобранско заземјување, бојадисани се училниците, комплетно е реновирана спортската сала, вложено е во модернизација на нагледните средства и многу други активности.

Уште едно ново големо достигнување на раководниот тим на училиштето е аплицирањето на Регионален фонд за предизвици за Западен Балкан (RCF) каде успешно го помина филтерот на првата фаза во која аплицираа 123 апликанти од Албанија, Косово, Босна и Херцеговина, Србија, Црна Гора и Македонија. Апликацијата на техничкото училиште успешно ја помина првата фаза и влезе во фаза помеѓу 47 успешни апликации од кои само 9 од Македонија.

„Со овој успех сме на чекор до добивање на грант во износ од 584.000 евра средства наменети за техничка поддршка и опремување на училиштето со што со сигурност ќе бидиме едно од најдобро опремите училишта во југозападниот дел на државата. Во периодот што следи не чека напорна работа во следните фази, но се надевам дека ќе влезиме во финалниот избор. Напорно работевме да го постигниме овој успех. Искрана благодарност до ФОД и Кромберг и Шуберт со кои аплициравме како конзорциум. Вработените на овие фирми уште еднаш покажаа и докажаа дека се општествено одговорни правни субјекти кои несебично вложуваат во подобрување на условите за работа во училиштето и со тоа го помагаат развојот на образованието во градот. И со двете фирми имаме одлична соработка и примена на дуалното образование, а учениците имаат можност практичната настава да ја изведуваат во реални компании по највисоки стандарди под водство на сертифицирани ментори“, изјави за Апла.мк директорот на техничкото училиште, Владимир Роме.

- Соработката со Делегацијата на германското стопанство е на највисоко ниво, а во следната учебна 2022/23 година ќе ја имаме првата генерација матуранти од профилот техничар за индустриска мехатроника кој се изучува по гермаски систем на дуално образование во соработка со Кромберг и Шуберт. Сега гледам дека донесов вистинска одлука кога во 2019 год. го прифатив предлогот на Делегацијата на германското стопанство во нашето училиште да се воведи дуално образование по германски стандарди. Како некогашен ученик во ова училиште гледав напред и сакам ова училиште да биди најдобро стручно училиште во државата и се` што правев и правам во последните близу пет години е во таа насока. Условите во кои учат овие ученици во Кромберг и Шуберт се просто кажано европски и само со такви услови на работа ќе можиме да продуцираме уште поквалитетни кадри.

Упатувам искрена благодарност и до градоначалникот на општина Битола, г-динот Тони Коњановски кој без двоумење го потпиша Писмото за поддршка со кое застана зад нас при поднесувањето на апликацијата до РЦФ фондот. Во изминатиот период имавме одлична соработка со општината и беа издвоени големи средства за подобрување на условите за работа во училиштето и искрено се надевам дека тој тренд и соработка ќе продолжат и во иднина“, рече Роме.