Во НУУБ "Св. Климент Охридски" - Битола денеска беше отворена изложбата на 100 книги стари 100 години од фондот на Библиотеката "АЛБИ" - с. Бабино,

 

На изложбата зборуваше м-р Бојан Стефановски директор на НУУБ „Св.Климент Охридски“ - Битола, сопственикот на библиотеката „Алби“  Стево Степановски, писателот Добре Тодороски и претседателот на ДПМ Христо Петрески.

 

 

„Овој настан го искористивме да го одбележеме Светскиот ден на книгата и авторското право на симболичен начин со цвеќиња кои директорот на НУУБ „Св. Климент Охридски“-Битола им ги ги подари на присутните“, соопштија од Библиотеката. 

Националната Установа Универзитетска библиотека „Св.Климент Охридски“ – Битола, Француската Алијанса од Битола и ООУ “Даме Груев“ – Битола заеднички го одбележаа празнувањето на католичкиот и православниот Велигден. Следната недела ќе се одбележи и празникот Бајрам.

Денеска учениците од различни религии имаа можност да научат како се прославува Велигден, научија за католичкиот Велигден на македонски и на француски јазик преку квиз и награди, заедно боеја јајца и на крај имаа мала авантура низ Библиотека да бараат каде се скриени малите чоколадни јајца. Декорираните јајца се изложени во холот на библиотеката.

Следната недела следува нова работилница за празникот Бајрам.

 

„Мултикултурализмот и адресирањето на меѓуетничките односи во нашето општество претставуваат основа за меѓусебното разбирање и градењето на кохезивно општество. Со денешната работилница сакаме да упатиме јасни пораки за соживот и заемна почит меѓу сите, разбирање, спознавање и негување на вистинските човекови вредности, напредок и благосостојба на сите ученици од различни религии. Заедничките чествувања на празниците имаат за цел да се надминат разликите, да се почитуваат традициите, културата, обичаите, да се дружиме, да има повеќе комуникација, а преку тоа да има и поголема безбедност и доверба помеѓу граѓаните“, истанаа од НУУБ„Св. Климент Охридскии“ од Битола. 

 

 

 

 

 

 

 

 

 

 

Директорот на НУУБ „Св. Климент Охридски“ - Битола м-р Бојан Стефановски потпиша меморандум за соработка со директорката на ООУ „Коле Канински“-Битола, Дијана Толевска Христовска.

Во Корча е реализиран проект „Билатерална соработка на библиотекари и презентација на библиотечни програми во услови на пандемија(Ковид-19)- искуства на македонски и албански библиотекари во Корча“ каде што беа разменети искуства од областа на библиотечното работење.
Координатор на проектот и предавач м-р Јелена Петровска со презентација насловена како „The impact of the Libraries in the time of Covid” (Активности на библиотеките во времето на Ковид) зборуваше за можности за реализација и работа на библиотеките во сложени услови поврзани со пандемија.

Во другиот дел на презентацијата беа претставени најуспешните и иновативните проекти кои библиотеката ги има реализирано како во државата, така и во меѓународната соработка.

На покана на координаторот на средбата активно учество зедоа библиотекарите од Библиотека од Гостивар, како и библиотекари од НУУБ „Св. Климент Охридски“ кои работат на проекти и во библиотечната дејност. Се покажа дека е можна дисеминација на проекти и знаења, но уште поважно дека проектите можат да бидат во функција за градење на ефикасниот тим во остварувањето на библиотечните активности.

На Средбата беа присутни и претставници на Универзитетот од Корча кои најавија интерес за соработка со Битолскиот универзитет, а целиот настан беше проследен од присутните медиуми и новинари кои имаа повеќе прашања за функционирање на библиотеките во Р.С. Македонија.

Во Корча е потпишан Меморандум за соработка во областа на библиотечната дејност.

Националната установа Универзитетска библиотека „Св.Климент Охридски“ – Битола и основните училишта „Даме Груев“, „Елпида Караманди“ - Битола заеднички ќе го одбележат Меѓународниот месец на училишните библиотеки.

Денес во ерата на информатичкиот напредок, прашањето за запознавање на помладата генерација со читање е многу поостро од кога и да било. Затоа, ваквиот празник како Денот на библиотеките сè повеќе се објавува, а месецот октомври генерално е прогласен за Светски месец на училишни библиотеки.

Официјалното одржување на Денот на библиотеките започна во 1999 година на иницијатива на УНЕСКО. Овој статус првпат го објави претседателот на Меѓународната асоцијација на училишни библиотеки, Питер Јенко, во 2005 година. И веќе од Денот на библиотеките во 2008 година координаторот на проектот објави дека еднодневниот празник се претвора во меѓународен месец, односно од тој момент во октомври е месецот на училишните библиотеки.

Националната установа Универзитетска библиотека „Св.Климент Охридски“ – Битола Битола и основните училишта „Даме Груев“, „Елпида Караманди“ - Битола започнуваат со раскажување на стари приказни - активност во кои ќе бидат вклучени бабите, дедовците, прабабите и прадедовците на учениците.

Волшепството на читањето е длабоко поврзано со привлечната сила на приказните. Нашите баби и прабаби имаа голема дарба за раскажување приказни. Секој од нас памети дека најубавите приказни сме ги слушнале во најраното детство токму од нашите бабите, дедовците, прабабите и прадедовците.

Усната раскажувачка традиција е многу важен темел во поттикнувањето на љубовта за читањето кај децата. Усното раскажување приказни на децата уште во најраната возраст, помага во обликувањето на нивната сопствена творечка фантазија.

Ги повикуваме сите училишта во Битола да се вклучат во одбележувањето на Меѓународниот месец на училишните библиотеки и сите заедно со училишните библиотеки да одбереме еден ден во октомври за да ја прославиме важноста на училишните библиотеки со реализирање на различни активности.