Во 2005 во Битола е снимен филмот „Кабадаја“ во кој се зборува за животниот стил на кабадаите од градот. Режисер на филмот е Мартин Мирчевски, а во него учествуваа многу познати личности од Битола. Битолската панк група „Паркети “ имаат направено обработка на старогратската песна посветена на Ацо Саатчијата „Ацо Кабадаја “.

Инаку кабадаја  означува некомпетентна индивидуа од машки пол која залудно се обидува да создаде невистинска перцепција на големец за себе пред остатокот од општеството. Овој сленг наоѓа употреба главно во битолското говорно подрачје. Според некои извори зборот „Кабадаја“ има турско потекло. Потекнува од зборовите „каба“ што во превод значи груб и „даха“ што во превод значи гордост.