Милевски За Гласот на Америка: „ До крајот на годината очекуваме САД да го ратификуваат протоколот за НАТО“

Февруари 28, 2019
Фото: VOA ГЛАС НА АМЕРИКА Фото: VOA ГЛАС НА АМЕРИКА

Пратеникот во македонското собрание Горан Милевски за Гласот на Америка на македонски изјави дека очекува до крајот на оваа или почетокот на следната година во САД да заврши постапката за ратификација на Проколот за НАТО.

 

За ваква временска рамка се дискутирало на средбите вчера и завчера помеѓу американски конгресмени и сенатори и делегација од македонското Собрание во Вашингтон.

„Разговаравме за постапката кога може Македонија најбрзо да очекува ратификација на спогодбата. Постапката во Сенатот е посложена бидејќи прво треба да дојдат три извештаи од претседателот, од Пентагон и од разузнувачките служби за потоа Комитетот за надворешни работи да ја отпочне постапката во Сенатот. Од моментот на доаѓањето на извештаите до гласањето во Сенатот по примерот на Црна Гора требало шест месеци, така да се надеваме дека оваа постапка некаде кон крајот на оваа година или почетокот на следната ќе заврши целосно во Сенатот и ќе може и Америка да ја ратификува спогодбата“, изјави за Гласот на Америка на македонски пратеникот Милевски.

Тој истакнува дека во Вашингтон добиле позитивни сигнали. Американските конгресмени и сенатори се интересирале за состојбите во државата и биле единствени во пораката дека Македонија мора да си ја заврши домашната работа.

„Се интересираа како ќе се одвиваат реформите. Mногу се заинтересирани за тоа и заради влезот на Македонија во Европската Унија. Значи нивниот пријателски однос не е само за влез во НАТО, туку за севкупниот развој на Македонија. Има многу позитивна клима тука и велат дека непотребно се изгуби време и енергија додека не се постигна овој договор. Надминати се пречките за Македонија да го заслужи местото кое ѝ следува на меѓународен план“, вели Милевски.

Извор: VOA Глас на Америка

 https://mk.voanews.com/a/macedonia-nato-us/4807819.html

Сподели

Login to your account

Username *
Password *
Remember Me
© 2021 АПЛА.мк. Сите права се задржани