Професорката Марија Магдалена Петковска Микаровска објави фотографии од акцијата во која заедно со ученици од неколку класови од Медицинското училиште и од Горната гимназија пред почетокот на учебната година го исчистија школскиот двор од отпадот.

-Си направивме акција Мети Си Со Класнето. Благодарам на сите што се појавија и беспоштедно работеа на 32 степени. Сликите и делата нека зборуваат погласно од секој кажан збор. Машките собраа едно 30 колички шут (кои ќе го подигне Комуналец) , женските изгланцавме се што требаше. Сакам да им испратам апел на сите дека секој еден од нас како индивидуа е дел од оваа институција. И секој на секаков начин треба да се грижи за истата, порача Петковска Микаровска на Фејсбук.