Акцијата се спроведува откако  истече рокот којшто Општина Охрид им го даде на сопствениците на неколк објекти на  крајбрежјето, сами да ги отстранат платформите и урбаната опрема кои нелегално ги поставиле на плажите на Охридското езеро.

Од Општина Охрид порачаа дека процесот е продолжи и ќе трае сè до конечно расчистување на крајбрежјето. Плажите ќе бидат уредени и насипани со речен песок, којшто е дозволен согласно Планот за управување со светско природно и културно наследство на Охридскиот регион. Отстранувањето на нелегални објекти, потпорни ѕидови, шанкови, платформи, метални конструкции и настрешници, се врши на плажите кои се надвор од опфатот на Генералниот урбанистички план и навлегуваат во  Охридско Езеро.

Носителот на листа во 5ИЕ, Радмила Шекеринска, при денешната посета на Охрид, изрази  поддршка на градоначалникот Константин Георгиевски во справувањето со езерската мафија. таа на својот ФБ профил напиша:

„Му давам силна поддршка на градоначалникот на Охрид, мојот драг пријател Коста! Мора конечно да се расчисти со езерската мафија инсталирана и метастазирана од ВМРО-ДПМНЕ. Дивоградбите на охридското крајбрежје се резултат на 11 години злоупотреба и негрижа за Охрид од страна ДПМНЕ кои освен профитот немаа друг интерес.“