„Ќе биде објавена постапка и за третата лента на Плетвар со што ќе го направиме едно подобро, помодерно и побрзо решение за сите граѓани кои гравитираат во овој регион. Можам да ги убедам граѓаните дека ќе направиме се' за патната инфратруктура во овој дел да ја направиме за почит на која нема да ни се случуваат застои и сообраќјни несреќи“, рече Бочварски.

Тој истакна дека работат на значајни прокети за регионот на Битола. До крајот на годината очекува да завршат постапките за рехабилитација на патниот правец за Меџитлија и до Демир Хисар. ЈП за државни патишта веќе прави проект за експресен пат од Меџитлија до Битола заедно со обиколница. Се прави и прокетна задача на Градежен факултат за делница Прилеп- Битола да стане автопат, но тоа е процес кој треба да започне и ќе трае, рече Бочварски.