Од СДСМ позочуваат дека од почетокот на ковид- кризата во земјава, Општина Битола досега издвои над 85.000 евра за поддршка на здравствените институции во справување со состојбата. Издвоени беа 10.000 евра за отворање на лабораторија за тестирање од коронанавирус во Центарот за јавно здравје. Потоа, уште 10.000 евра за обезбедување на апаратура за кислородна поддршка во Болницата, па 20.000 евра за набавка на брзи тестови во Центарот за јавно здравје. Минатата недела, дополнително се издвоија и над 40.000 евра за модуларната болница, а се вложува и во подготовка на уште една месна заедница во близина на Болницата каде, исто така, ќе се прават брзи тестови.

„СДСМ како одговорна партија докажа дека знае и умее да делува во интерес на граѓаните и заедно со локалната самоуправа ќе продолжи да ја следи ситуацијата со корона вирусот и да презема мерки за заштита на јавното здравје.

На нас, како граѓани останува постојано и доследно да ги почитуваме мерките за заштита“, рече Димовска.