Министерката за образование Мила Царовска истака дека Битолскиот и Софискиот универзитет покрај академската мисија заеднички го споделуваат и името на книжевникот, учител и епископ, Климент Охридски и заеднички го празнуваат патрониот праник. Добар знак, рече таа, за нас и нашите два универзитета е што во духот на европските вредности за партнерство тежиштето го ставаме на меѓусебна квалитетна соработка и размена на студенти, искуства, знаење, вештини.    

(По повод патрониот празник положено цвеќе на споменикот на Свети Климент Охридски во дворот на битолскиот Ректорат )

Во поздравната реч по повод патронот, ректорот на Бистолскиот универзитет Сашо Коруновски истакна дека денес „во регионот на лулката на Првиот словенски универзитет , живеејќи во едно друго време, време на брз развиток на технологии и неограничен проток на информации, кога потребата за образование, усовршување и напредок, станува повеќе од секогаш императив во живеењето на секој поединец, нашиот универзитет, своето функционирање го заснова врз креирање на такво опкружување во коешто образованието на секој млад човек, на секоја индуивиудуа,претставува наша долгорочна мисија, но и наша секојдневна задача“.

„Нашите 12 членки претставуваат интелектуална база за развој и воспоставување партнерски односи со значајни стопански субјекти и локални самоуправи во Регионот на сопственото делување. Секако, тука е уште една мошне значајната компонента, а тоа е меѓународната соработка - со одржување напостоечката и градење нови мостови на соработка со универзитетите, се јакне мрежата чијашто примарна цел е да се овозможи мобилност на студентите и кадрите, но и трансфер на знаења, вештини и современи технологии“, рече Коруновски.