„Правниот факултет во Битола претставува дисперзирана испостава на Правниот факултет со седиште во Кичево, каде што токму во седиштето имаме негативен тренд на запишување студенти. Од друга страна фактите и аргументите покажуваат позитивен тренд на запишување на студенти и квалитет во Битола. Исто така имаме и голем број институции, Основен и Апелационен суд, Основно и Вишо јавно обвинителство, 146 регистрирани адвокати и адвокатски друштва, 7 извршители и 13 нотари.

Пратеникот од СДСМ, Александар Кирацовски, денеска најави дека во Собранието на РМ ќе иницира процедура со која седиштето на Правниот факултет од Кичево, ќе се префрли во Битола. Овој факултет кој е во рамките на универзитетот „Св. Климент Охридски“-Битола, беше  обновен во 2008 година, но со седиште во Кичево,a  со дисперзирани студии во Битола и Струга.