„Имаме убава животна средина, но овие слики покажуваат дека не сме се грижеле и не се грижиме онака како што треба, зборувам генерално како општество и граѓани. ЈП Комуналец си ги изведува своите редовни активности околу одржување на чистотата , меѓутоа денес Светиот ден на чистењето сакаме да го одбележиме со една помасовна во која активно учество зеде и месното население од овој дел на градот, советниците и јавните претпријатија. Во идниа мора да направиме многу повеќе за подигнување на јавната свест и како граѓани сите заедно да си ја зачуваме животната средина“, рече Петровска.

Директорот на ЈП „Комуналец“ Панде Богоевски рече дека во континуитет течи акцијата за подигање на гломазен отпад од домаќинствата кои ќе пријават, а сепак има случаи граѓани да се ослободуваат од мебел и друг елекстронски отпад во природа.

„Ние како јавно претпријатие со поддршка на останатите ЈП Водовод, Нискоградба, Стрежево се обидуваме со механизацијата и нашите вработени да исчистиме повеќе. Денес покрај нашата редовна активност за чистење депонии, ние се одлучивме да исчистие уште две локации. Кај ободниот канал има една голема депонија, а се изведува и чистење на диви депонии кај село Брусник каде е вклучено и месното население. Со тоа покажуваат високо ниво на свесност кога ни се приклучуваат на нашите активности“, рече Богоевски