Најголемата шетачка зона во градот, Широк Сокак од вчера рано утрото е посипана  со ризла за да не се лизгаат минувачите на гранитните плочки. Според ЈКП „Нискоградба“ ризлата е посипана по реакции на граѓани дека замрзнатиот дожд предизвикал  лизгање и несигурност кај граѓаните при движењето.

-Ризлата е фрлена вдолжи Широк Сокак и сега таа ќе послужи како подлога за новите врнежи од снег кои се очекуваат во четврток и петок, изјави Методи Силјановски директор на ЈКП „Нискоградба“.

Од Нова година досега по улиците низ градот и локалните патишта во општина Битола се фрлени 340 тони сол и 340 кубни метри ризла.