Webp.net gifmaker

Повеќе од половина од вкупниот број позитивни во Битола се заразиле во последните две недели

Ноември 11, 2020

Вкупниот број на заболени  во Битола од почетокот на кризата до 8 ноември изнесува 1054, а на починати 34. За една недела од 2 до 8 ноември се заразиле 343 битолчани, а во последните две недели 639, се наведува во неделниот извештај на Институтот за јавно здравје. Во овој период во Битола се регистрирани 518 активни случаи, а починале 11 лица

Во цела држава, пак, бројот на заболени е поголем за 25,5 проценти во однос на претходната недела.

Регистрирани се заболени лица во сите возрасни групи. Најзастапена е возрасната група на лица на возраст над 60- 21,2% . Голем број на заболени се регистрира и кај лицата во возрасните групи од 30-39 год- 19,9%, 40-49 -19,3%, 50-59 - 19,2% и 20-29 -15,0%. Најмал број е регистриран кај децата од 0-9 1,6% и 10-19 години 3,5%.

Во однос на дистрибуцијата по пол, регистрирани се 20.666 машки и 19.609 женски лица. Возраста на заболените се движи од 0 до 99 години (просек – 44 години).

Пријавени се 127 смртни случаи од 22 града, што е зголемување од 41,1% во однос на минатата недела. Во однос на возраста, 94 лица биле над 60 години, 19 лица на возраст од 50-59 години, 9 смртни случаи се пријавени од возрасната група 40-49 години, четири случаи во возрасната група од 30-39 години и еден случај  на возраст 20-29 години. Од смртните случаи, епидемиолошки се истражени 120 или 94%.

tab1

Сподели

Login to your account

Username *
Password *
Remember Me
© 2020 АПЛА.мк. Сите права се задржани