АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
-Ова најдобро се гледа ако го следиме вкупниот број на дијагностицирани во логаритамски координати (на првиот дијаграм) - дуплирањето е сé побрзо и побрзо. Кај класичниот експоненцијален раст би требало да имаме права линија (црвената линија на првиот дијаграм), но сега имаме дури и тука забрзување чиј крај не се гледа.
Бројот на денови потребен за дуплирање драматично се скратува, без наговестување за скоро сопирање на овој тренд (на вториот дијаграм). Дали поради досегашното релативно добро справување со епидемијата граѓаните премногу се опуштија или пак поради нискиот процент на населението кое ја прележало болеста (ниска кумулативна инциденца, т.е. ниска „прокуженост“) отсуствува било каков колективен имунитет, во секој случај корона вирусот тука си најде идеална средина за ширење. Во слична ситуација се наоѓаат и Кратово, Крушево, Неготино, Струмица и Велес, градови со малку случаи во првите два налети на епидемијата.
Работата дефинитивно е надвор од контрола и на Битола и е потребна интервенција дури и повеќе отколку на другите градови со висока кумулативна инциденца (особено Штип и Свети Николе, а по малку Куманово и Гостивар) каде веќе се забележува извесен колективен имунитет и третиот налет на епидемијата е помалку изразен отколку претходните два.
Она што можеме самите да го направиме е да се однесуваме исто како да имаме прогласен полициски час од 18 до 5 часот. Само со намалување на контактите може да се прекине верижното заразување и да престане експоненцијалниот раст.
