ГЕОСФЕРА – Битола ќе ги презентира резултатите за најзагадените населби во градот

Февруари 19, 2018

Кои се најзагадените населби во Битола, кои се причините за аерозагадувањето? Какви адаптирани мерки се предлагаат за намалување на аерозагадувањето во Битола,ова се само дел од темите кои јавно ќе бидат презентирани пред битолчани после имплементацијата на активностите на Регионалното географско друштво ГЕОСФЕРА - Битола, во рамките на проектот „Сликај, постирај, алармирај“ поддржан од Цивика мобилитас. Настанот „РАЗБУДЕТЕ ЈА ЕКО-СВЕСТА ВО СЕБЕ“ е закажан за 24 февруари во хотел Театар, Битола, со почеток во 12 часот, на кој ќе се изврши презентација на резултатите од мониторирањето на аерозагадувањето во Битола.

 

Главни активности кои беа реализирани во рамките на проектот се: - идентификување на аерозагадувачите во град Битола,- постирање на истите на нашата Facebook страница „Сликај,постирај, алармирај“,- изработка на интерактивна карта на аерозагадувачи на Google Maps,- спроведени мерења на моменталните концентрации на ПМ честички низ градот и изработка на дигитални карти за просторната дистрибуција на аерозагадувањето, - изработка на предлог мерки за намалување на аерозагадувањето.

Сподели

Login to your account

Username *
Password *
Remember Me
© 2021 АПЛА.мк. Сите права се задржани