АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Изграден како „Спомен дом на културата за Првото заседание на АСНОМ". Свечено беше предаден во употреба на 11 октомври 1980 г. со изведба на претставата „Залезот над езерската земја" од Томе Арсовски, а во режија на Димитар Христов и со ретроспективна изложба на битолските ликовни уметници.
Има корисна површина од 12 000 метри квадратни, а тие се наменети, пред се, за културни содржини. Големата свечена, концертна и кино сала има површина од 750 метри квадратни и капацитет од 870 седишта, со сцена широка 15 метри и длабока 20 метри.
Театарска сала има површина од 430 метри квадратни и капацитет од 420 седишта со 12 метри ширина и 24 метри длабочина на сцената, а има и ротациона функција, светлосен парк и озвучување.
Покрај овие простории, постои и Мала сала со 100 седишта, проектирана и изведена според ентериерот на стариот битолски театар. Има и многубројни други помошни простории. Еден период постоеше и ликовен салон, односно галериски простор, кој денес е преадаптиран. Целиот објект е изграден со комплетни и функционални системи за климатизација и
затоплување.
Инаку, одлука за изградба на спомен-домови на културата во 25 градови во Социјалистичка Република Македонија, меѓу кои и во Битола, како траен спомен на Првото заседание на АСНОМ, беше донесена во август 1969 година
Три години од 1975 до 1978 год беше издвојуван 1% од личните доходи на сите вработени лица во Битола, а со овој самопридонес освен Домот на културата, собраните средства беа наменети и за други проекти
