АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Првата фаза од оваа превентивна мерка, насочена кон ларвените форми на комарците, се реализира на ден 06.05.2021 год. од страна на тим на Центарот за јавно здравје – Битола со апаратура за УЛВ ладно запрашување поставена на пикап-возило, информираат од Центарот за јавно здравје.
Со ларвицидната дезинсекцијата беа опфатени застојните води, бари, мочурливи површини под вегетација, одводни канали во градското подрачје и периферијата на градот кои се мапирани на теренот како потенцијални жаришта и места за развој на ларвените облици на комарците предвидени со оперативниот план и програма доставени до Општина Битола.
Третирањето ќе се изведува со високо селективен биоцид на база на микрокапсулиран S-methopren како активна супстанца наменет за уништување на ларви на комарецот од типовите Aedes I Culex (во 2 и 3 ларвен стадиум).
Со информации за активностите од страна на ЈЗУ ЦЈЗ Битола беа известени надлежните институции, медиумите, здруженијата на пчеларите и локалната самоуправа.
Согласно планот и програмата во периодот кој следи ЈЗУ ЦЈЗ Битола ќе спроведе и четири адултицидни третирања за уништување на комарците.
