АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Претставниците од ЈКП „Водовод“ сликовито, но во исто време темелно и стручно им го објаснија на просутните патот на водата од природата до нашите домови. 
-Добивањето на водата во градот Битола не е така едноставно како што некои тоа го замислуваат, дека реката тече и водата преку цевки се носи во домовите, напротив тоа е комплексен процес. Битола се снабдува со вода од три извори од Пелистер,преку зафати се слеваат во Филтерницата каде по третирањето водата се носи технолошки исправна до нашите домови, рече Горан Козаров, директор на ЈКП „Водовод“ Битола.
Лела Ацевска, специјалист по санитарна хемија, вработена во ЈКП „Воодвод“, пак рече дека секоја вода не е вода за пиење додека не помине низ технолошки процес, бидејќи само 0,0001 отсто од вкупната вода на земјината топка е исправна вода за пиење. Во нејзината анализа таа детално го објасни процесот на третирање на водата во ЈКП „Водовод“, посочувајќи дека безбедноста и исправноста на водата се пред се’.
Примариус доктор Лилјана Милевска од Центарот за јавно здравје во Битола од отсекот за здравствено воспитување, потенцираше дека загадувањето на водата е најголемата злоупотреба на водата.
-Центарот за јавно здравје ги следи заболувањата поврзани со водата на оваа територија, така што од 2002 до 2017 година и пред тоа може да се каже дека битолчани имаа исправна и безбедна вода за пиење. Всушност 97,3 посто од водата од градскиот водовод е безбедна за пиење, вклучувајќи ја и флашираната вода, тоа го покажуваат и хемиските и бактериолошките анализи. Водата е безбедна и во 19 села околу Битола, рече Милевска.
Аријана Зенуни и Адам Стојановски ученици од IX одд. членови во еко одборот и во хемиско – биолошката секција во училиштето, на македонски и албански јазик направија презентација за водата во контекст на тоа како училиштето одговара на барањата на проектот Еко училиште и проектот МИМО.
-Ние сме ЕКО училиште наградено со статус Зелено знаме, за да ја добиеме оваа награда реализираме многубројни еко активности за подигање на еколошката свест, а притоа учениците развиваат вештини за комуникација и за соработка што се потребни за меѓусебна интеракција, интеракција со наставниците, родителите и други возрасни лица од различни етнички заедници. Градат вредности за меѓуетничка интегрираност во мултикултурно општество, рече Биљана Стојковска, координатор, претседател на ЕКО одборот во ОУ „Гоце Делчев“ –Битола. 
