„Без навреда“ - битолското културно лето „Битфест“ да се преименува во „Би-Лет“

Март 27, 2018

„Би- Лет“ да е новото име на битолското културно лето „Битфест“, предлага продуцентот Панде Димитровски, творецот на магазинот за хумор и забава „Без навреда“.

Во најновиот број на магазинот, Димитровски, пишува дека во тек е оглас за најновото издание на битолското културно лето, па по социјалните мрежи и медиуми често се загатнува прашањето  дали и годинава новата локална власт ќе го задржи името „Битфест“ или ќе понуди нешто друго. Сега „Без навреда“  предлага „со еден куршум да се отепаат два зајаци“.

-Битолското културно лето да се вика „Би –Лет“ , што би дошло од првите букви на битолско лето. Првиот зајак, значи нов нунко, ново име, нова тура-нова авантура. И вториот зајак од првите букви Би-Лет да дојде заедно во БИЛЕТ, да се спроведи на дело, да се користи во вид на влезница, пишува Димитровски.

 

Кум на „Битфест“ беше ексградоначалникот Владимир Талески, со неговото доаѓање на власт во 2005 година, пред тоа културните манифестации во лето во Битола беа по брендот „Хераклејски вечери“.

Сподели

Login to your account

Username *
Password *
Remember Me
© 2021 АПЛА.мк. Сите права се задржани