-Потпорниот ѕид  и ѕидот со габиони се направени, направен е и пристапен пат до свлечиштето на ридот со што се очекува да се реши проблемот со транспортот на земја од свлечиштето. Чекаме од републичкиот инспекторат за патишта да го потпише решението и патот да се пушти во сообраќај. Семафорите се веќе во функција, рече Илоски за апла.мк.

Пуштањето на обиколницата е од особена важност и поради почнувањето на реконструкцијата на коловозот на влезот во Битола од страната на Прилеп.

Според најавите ќе се реконструира патот од „Лозар“ до Горно Оризари, а овој проект е дел од Програмата за уредување на градежно земјиште на општина Битола и Програмата за рехабилитација на регионални патишта на ЈП за државни патишта.

ЈП „Нискоградба“ од Битола ќе ја гради  атмосферската канилазција.

За време на градежните активности, сообраќајот ќе мора да се одвива според утврден режим од страна на изведувачот на работите.