Постот изнесува дезинформација дека песната 7-11 е нова, иако таа е од 2014 година. Ниту графен оксид, ниту пуштање во воздух на коронавирус не може да биде дел од интерпретацијата на ова музичко дело и спотот, зашто станува збор за стар албум од 2014 година, кога немаше ковид. Во постот е испуштен контекстот затоа што вистински објавени промотивни материјали за истоимениот музички проект, се погрешно интерпретирани во контекст на ковид пандемијата, а со цел да се создаде конспирациска теорија која е целосно бесмислена

Рецензираме пост на Фејсбук во којшто се тврди дека американската пејачка Бијонсе издала нов албум на чија што насловна кавер фотографија има графен оксид. Потоа споделена е уште една фотографија на која што е испишано Smack it in the air, наслов на песна од Бијонсе, за која што авторката на постот тврди дека значи ,,Пушти го во воздух”.

Сте ја виделе ли насловната на новиот албум на Бејонсе? Графен оксид, па нешто вели Smack in the Air, (Пушти го во воздух), па дата 7/11…се чудам и несакам да помислам на 5Г, предиктивно програмирање..итн итн…, се вели во постот што го рецензираме.

Од коментарите под постот евидентно е дека од неговата содржина се плетат низа конспирациски теории за датумот 7.11, 5 Г мрежата и сето тоа се поврзува со пандемијата на коронавирусот. Бидејќи постот е објавен на 4.11. во коментарите се прашува што ќе се случи за три дена од објавувањето на постот.

https://vistinomer.mk/wp-content/uploads/2021/11/screen-shot-2021-11-09-at-21.29.41.png 735w" alt="" width="300" height="276" class="size-medium wp-image-110856 aligncenter b-loaded" style="box-sizing: border-box; border: 0px; vertical-align: middle; clear: both; max-width: 100%; height: auto; display: block; margin: 15px auto 25px;" />

Првата фотографија која може да ја погледнете погоре, воопшто не е поврзана со албумот на Бијонсе, туку е од интернет и авторката на постот  само ја додала во групата фотографии од промотивни материјали од албумот, за да се добие на тежина лажната илузија која ја создава, дека на некаков начин има поврзаност меѓу графен оксидот и албумот на Бијонсе, пандемијата со коронавирусот и 5 Г мрежата.

Албумот на Бијонсе, наспроти лажното тврдење во постот, не е нов туку е од 2014 година, кога немаше пандемија со ковид . И песната 7.11 е стара барем седум години. Песната е издадена од Колумбија рекордс на 25 ноември 2014 година, напишана е од Бијонсе и Алонзо Холт.

Во неа се разбира не се зборува за никаков графен оксид, ниту пак, за коронавирус и пандемија.

Теоретичарите на заговори честопати од контекст вадат работи коишто не се поврзани со ковид за да креираат приказни кои се штетни по јавното здравје. Наративот е дека сатанистите се здружени против човештвото, па дури и во студиски албум стар седум години се додаваат непостоечки елементи за да се покаже дека тој наводно е ,,скриена порака”. Кога авторката на постот тврди дека Smack it in the air значи ,,пушти го во воздух”, таа не зема предвид дека спотот на песната од 2014 година, ја портретира Бијонсе како аплаудира во воздух додека игра на поп песната. Ниту графен оксид, ниту пуштање во воздух на коронавирус не може да биде дел од интерпретацијата на ова музичко дело и спотот зашто станува збор за стар албум од 2014 година, кога немаше ковид. Графен оксидот, кој е споменат во постот што го рецензираме, повеќепати го споменуваат теоретичарите на заговори, како да е наводна состојка на ковид вакцините, иако тоа го демантираат производителите на вакцините и иако за тоа нема никакви докази. Графен оксид во вакцините против ковид нема.

Оттука, оценуваме дека постот изнесува дезинформација дека песната 7-11 е нова, иако таа е од 2014 година. Понатаму во постот е испуштен контекстот затоа што вистински објавени промотивни материјали за истоимениот музички проект, се погрешно интерпретирани во контекст на ковид пандемијата со цел да се создаде конспирациска теорија која е бесмислена.

Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар