Генерален став за 42- ца градоначалници дека биле разочарување, преку бегло споменување на четворица – петорица, е спин. За да се изгради генерална оценка потребна е оценка за секој градоначалник одделно. Сè друго е извртување на вистината

Пишува: Теофил Блажевски

На прес-конференција на СДСМ оваа партија изнесе став за работата на сите градоначалници на ВМРО-ДПМНЕ, во што може да се препознае спин

Спин: Градоначалниците на ВМРО-ДПМНЕ се најголемо разочарување, во првите месеци од мандатот не сработеа ништо во интерес на граѓаните и општините.

Нема ниту еден свој проект реализиран од нивната програма, не ги исполнија ветувањата пред граѓаните.

Напротив, граѓаните сведочеа за прекинување на проекти, кршење на законите, трошење народни пари на чоколади и сокови. Партизација е се она што прават градоначалниците од редовите на ВМРО-ДПМНЕ…

[Извор: СДСМ – Прес конференција – датум: 27.01.2022]

https://vistinomer.mk/wp-content/uploads/2022/01/kontraspin-foto-vistinomer-1024x281-e1500652724996-2-300x82.jpg 300w" alt="" width="650" height="178" class="size-full wp-image-118114 aligncenter b-loaded" style="box-sizing: border-box; border: 0px; vertical-align: middle; clear: both; max-width: 100%; height: auto; display: block; margin: 15px auto 25px;" />

Контраспин: На прес-конференција на СДСМ, главниот портпарол на оваа партија, Богданка Кузеска излезе со став на партијата дека градоначалниците на ВМРО-ДПМНЕ во првите месеци од мандатот ништо не сработеле во интерес на граѓаните, дека се разочарување за граѓаните, како и дека се што прават е партизација…, став во кој се препознава спин.

Спинот е лесно препознатлив , а тоа е генерализацијата на работата на сите градоначалници на ВМРО-ДПМНЕ. Да потсетиме, на почетокот на ноември 2021 година по одржувањето на двата круга од локалните избори стана јасно дека ВМРО-ДПМНЕ има освоено 42 градоначалнички места од вкупно 80 во државата, што значи нешто повеќе од половина.

Ставот на СДСМ кој го разгледуваме, беше поткрепен со по една до две реченици за градоначалничката на Скопје, Данела Арсовска, градоначалниците на Ѓорче Петров, на Охрид, за кој се проблематизира неговата ковид позитивност за Водици, за Бутел, за Кисела Вода и за Прилеп, за кој градоначалник пак, се вели „не знаеме ниту дали има ниту што работи“. И толку.

Станува збор значи за генерализирана оценка за два и пол месеци во кои спаѓаат и перипетиите со конституирање на органите на општините, со тесниот рок да се донесат буџетите, со големиот број празнични и неработни денови околу Нова Година и потоа, итн. Односно, се генерализира со оценката за 42 –ца политичари, избрани функционери, преку симплифицирани искажувања за четири-пет градоначалници споменати на прес конференцијата.

Доколку се појде само на половина од сајтовите на општините за кои зборува СДСМ, ќе се види дека сите општини имале извесен број активности, по пет-шест седници од кои некои се одржуваат токму на 28 јануари кога е пишуван овој текст. Претходно, до крајот на 2021 година, сите општини работеа речиси до последниот ден на усвојување на буџетите на општините за 2022 година. Ако се отиде, на пример, на сајтот на Општина Кисела Вода може да се видат активности и од скоро, како што е, изградба на самоодржлив парк, или пак зголемен обем на комисиите што решаваат по барањата за решенијата за денационализација, или, пак, на Општина Аеродром (која интересно не беше спомената на прес конференцијата), која има прилично амбициозен развоен сегмент вреден околу 800 милиони денари за 2022 година презентирани преку претставување на буџетот за годинава, итн.

Затоа, генерален став за 42-ца градоначалници, преку бегло споменување на четворица, петорица е спин. За да се изгради генерална оценка, потребна е оценка за секој градоначалник одделно.

На пример, без оглед на широкиот консензус во јавноста дека мандатот на градоначалничката на Скопје Данела Арсовска започна проблематично, од аспект на комуникација со јавноста, па со менување на ставови околу клучниот проект за решавање на проблемот со јавниот транспорт во Скопје (час ќе имало референдум за БРТ, час нема), оценката може да се изведе само преку одделна проверка на секое ветување, особено за оние што ги даде за првите 82 дена, како што е чистење на дивите депонии во Скопје.

Токму таква проверка неодамна спроведе агенцијата Мета, при што, преку проверка на терен, беше констатирано дека не е вистина тврдењето на градоначалничката, дека успеала да ги исчисти сите диви депонии во Скопје.

Слично, за работата, на пример, за градоначалникот на Охрид, не може да се вади генерален став преку епизодата со неговото однесување по направениот ковид тест.

Оттука, генерализацијата  дека работата на градоначалниците на ВМРО-ДПМНЕ во првите месеци од нивниот мандат,  е разочарување,  ја сметаме за клачиен  спин.

https://vistinomer.mk/wp-content/uploads/2021/09/ned-logo-768x180.png 768w, https://vistinomer.mk/wp-content/uploads/2021/09/ned-logo.png 873w" alt="" width="300" height="70" class="size-medium wp-image-106627 alignleft b-loaded" style="box-sizing: border-box; border: 0px; vertical-align: middle; max-width: 100%; height: auto; margin: 5px 20px 15px 0px; float: left;" />Овој напис е изработен во рамките проектот Проверка на фактите за напредокот на Северна Македонија кон ЕУ, имплементиран од Фондацијата Метаморфозис. Написот, кој е првично објавен во Вистиномер, e овозможен со поддршка на американската непрофитна фондација NED (National Endowment for Democracy). Содржината на написот е одговорност на авторот и не секогаш ги одразува ставовите на Метаморфозис, НЕД или нивните партнери.

Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар