Оваа година Битолско културно лето започнува на 23 јуни во 21.00 часот во античкиот локалитет Хераклеја со спектакуларен настан наречен „Вива Верди“.

Во рамки на одбележувањето на патрониот празник, ОУ „Коле Канински“ од Битола одржа работилница со наслов „Речи му не на пушењето“.

Под мотото „Мојот јазик-моја мелодија“, во Центарот за култура, училиштето „Коле Канински го одбележа патрониот празник и преку низа активности порача да си го чуваме и негуваме јазикот.

На патронатот присутен беше и синот на Коле Канински, Стефан Канински со неговата сопруга, како и советници, претставници од локалната самоуправа и директори на училишта.

- Препознатливи сме како училиште кое учествува во безброј проекти, како домашни, така и меѓународни. Eдинствени сме по тоа што, уште од 1967 година, имаме остварено братски средби со шест држави, кои до ден денес ги негуваме. Со тоа, нашите ученици добиваат можност да се збогатат со нови искуства и да добијат различен поглед кон светот - изјави директорката на „Коле Канински“, Дијана Христовска.

Христовска порача дека училиштето ќе се стреми да биде уште поуспешно, и да создаде уште подобри услови за учење, поквалитетна настава.

- Децата се нашата иднина во која мораме сите да вложуваме - рече таа.

Одбележувањето на патронатот не завршува тука. Утре ќе се одржат и други активности, меѓу кои и свечена седница на ученичкиот парламент, положување на цвеќе на бистата на Коле Канински, како и отворени часови во централното и подрачните училишта.

Здружението за развој на туризмо и угостителството „Дојди, види, уживај“ го промовираше битолскиот туристички водич „Bitola City Guide 2023“. Станува збор за едноставен, практичен и корисен градски водич кој ќе биде од исклучителна помош за сите домашни и странски туристи кои ќе ја посетат Битола, велат авторите. 

Општина Битола во соработка со јавните претпријатија, приватните фирми, месните и урбаните заедници, воспитно образовните институции и граѓаните, утре ќе ја спроведе акцијата „Генералка викенд“. Работните активности за почиста животна средина ќе започнат од 08:00 часот, а ќе се одвиваат на следните локации:

1. Обиколница на Регионален пат Битола - Охрид

2. АРМ - просторот на поранешната Касарна

3. Просторот околу Хотел „Битола“

4. ул.Тошо Даскалот – Партизанска

5. Тумбе кафе (кај авионите)  

6. Mесто викано Кајнак

На наведените локации може да се вклучат сите заинтересирани граѓани, а своето учество со чистење на површините околу училиштата веќе го најавија 8 основни училишта и средното општинско училиште Гимназија „Јосип Броз Тито“, со што во акцијата учество ќе земат над 1500 ученици. Културно уметничкото друштво „Илинден“, за време на „Генералка викенд“, заедно со жителите од урбаната заедница, ќе спроведе активности за чистење на УЗ „Даме Груев“, а во акцијата се вклучува и месното население од урбаните заедници „Панде Кајзерот“, „Васко Карангелевски“, „Ѓорги Наумов“, „Благојче Силјанов -Џуџето“ и други, со расчистување на просторот кој гравитира кон овие урбани заедници.