Здружението на пезнионери од Битола заедно со Здружението на инвалитски пензионери и инвалиди на трудот од Битола ја завршија реконструкцијата на влезните скали кои водат кон просториите на Здруженијата. Новиот влез сега е пофукционален, има и пристапна рампа, па на пензионерите им се создадоа услови за непречено и побезбедно вршење на обврските и комуникација со Здруженијата.

Во Здружението на пезнионери во Велес во петокот се одржа Регионална ревија на пеачки групи од југозападниот регион на Македонија на која меѓу 12 учесници се претстави и пеачката група „Сирма војвода“ која работи при Здружението на пензионери во Битола. Таа настапи со две песни и остави мошне добар впечаток за што на претседателот на Здружението на пензионери од Битола, Томе Димитровски, му беше дадена и посебна благодарница.

Се очекува Сирма војовода да земе учество и на Републичката смотра што ќе се одржи до крајот на годината во Скопје. Регионална смотра за скоро ќе биде организирана и во Битола.

Општина Битола и битолското Здружението на пензионери денес потпишаа Меморандум за соработка, а целта е унапредување на нивните права и подобрување на состојбата во сите сфери на општественото живеењее.

Извршниот одбор на Здружението на пензионери од Битола беше домаќин на највисокото републичко раководство на Сојузот на пензионери на Македонија.

По повод престојните Велигденски празници, со одлука на Извршниот одбор на Здружението на пензионери од Битола, деновиве на педесет социјално загрозени семејства во кои има пензионери им донираат прехрамбени производи. Донаторската акција започна во селата Буково, Горно Ореово и Крстоар, а ќе продолжи во градот Битола и уште неколку други села. Претставниците на Здужението на пензионери од Битола ја искористија оваа прилика да поразговараат со пензионерите за нивната состојба и здравје и да им го  честитаат Велигденските празници.