Општина Битола и сите јавни комунални претпријатија оваа недела со низа еколошки активности ќе го одбележат доаѓањето на пролетта. Денеска со механизација на јавните претпријатија се расчистуваше просторот зад паркингот кај новиот пазар кој беше затрупан со отпад и обраснат со вегетација.

Доскорешниот градоначалник на Општина Битола, Владимир Талески денеска, после  речиси 13 години владеење, сам си замина од зградата на  општината. После примопредавањето на градоначалничкиот кабинет на новата градоначалничка Наташа Петровска, Талески излезе од задната страна на општинската зграда. Единствено до неговиот автомобил го допрати досегашниот личен возач, ниту еден друг од неговите вработени, ниту од неговите поддржувачи, не излегоа да го испратат стариот градоначалник . Талески влезе во автомобилот и тивко си замина.   

На црвен килим новата градоначалничка Наташа Петровска, беше пречекана во општина Битола.

Поранешен вработен во Општина Битола, сега пензионер, утрово отишол во зградата на Општината и  свирејќи со свирче ја најавил победата на Наташа Петровска на вчерашните локални избори.

Жешка есен во Битола, не само поради локалните избори, туку и по високата температура нестандарднa за овој дел од годината.  Есен е, а во Битола како да започнува летото, температурата деновиве достигна до 22 степени Целзиусови, а топло време се очекува и во недела на денот на изборите. По гласањето ќе остане да се види дали битолчани со својот избор ќе донесат ќе лето или есен во општината.