Заради реконструкција и изведба на градежни работи, промена на стара секундарна водоводна мрежа, на улицата „Широк сокак “ на потегот од плоштадот „Магнолија“ до плоштадот „ Гоце Делчев“ ќе има прекин во нормалното водоснабдување во периодот од 9 до 11 часот, соопштија од ЈП „Водовод“. 

Цената на водата во Битола ќе поскапи следната, 2021 година за 0,73 дени на метар кубен за домаќинствата, а еден денар за фирмите, соопшти директорот на ЈП „Водовод“ Горан Козаров. Тој образложи дека откако пред три години започна со работа Регулаторната комисија за водите, таа им дава цена на чинење на водата за регулиран период од четири години. Покачувањето на цената за идната година, Козаров вели дека е минимално и се должи на доброто работење на Јавното претпријате „Водовод“. 

„Ова минимално поскапување се должи на  доброто работење на Јавното претпријатие, добро планираните инвестиции, остварување на планираните работи, намалување на трошоците за одржување на мрежата. Сето тоа беше разгледано од Регулаторното тело. Изработен е бизнис план  за водни услуги, сите поминати години со завршни сметки и идните инвестициски планови беа разгледани и така се стигна до оваа цена. Кога се поскапува не е добро..Но, ние дадовме предлог да остане истата цена за 2021 година. Сепак, беше невозможно да се помине тој план согласно инвестициите што ги имавме во изминатите три години, цената мораше да се покачи“, изјави Козаров. 

Во 2017 година кога за првпат Регулаторната комисија даде цена,  поскапувањето за физичките лица беше 2,5 денари за метар кубен, а за прваните 2,8 денари. Поскапување на цената на водата имаше и во 2009 година кога се поскапи од 14 на 30 денари, односно поскапување за 115 проценти, па во 2010 година тогашната власт поради притисоците од граѓаните ја намали цената на 24,25 денари за метар кубен. 

Сепак, граѓаните можат со рационално трошење на водата сами да придонесат да не плаќаат големи сметки.  

„Домаќинлукот е како синџир. Ние се можеме да работиме домаќински, но некои од крајните потрошувачи со големо трошење на водата, злоупотреба на водоводниот систем прават количините кои не се  регистрирани и не се наплатени од граѓаните, таа загуба Регулаторната комисија да ја вкалкулира, а истовремено и трошоците за одржување на водоводната линија и производство на вода испорачана до граѓаните. Доколу сите штедиме вода, а тоа е светски тренд за што е потребна едукација на граѓаните од најмала возраст , можеби еден ден ќе имаме граѓани кои ќе се грижат многу за водата која во иднина ќе биде најбаран ресурс. Така ќе се научиме да ја штедиме за да имаме пред се помали сметки, да имаме вишок на вода и да нема потреба да се поскапува“, рече Козаров.   

Од ЈП „Водовод'' соопштија дека заради изведување на градежни работи, промена на секундарна и терцијална водоводна мрежа, ќе има прекин во нормалното водоснабдување на улицата „Македонска Фаланга“ на потегот од улиците „Раде Илиев“и „Широк Сокак“ на ден 21.07. 2020 година од 14 часот до 18 часот.

 

 Јавното претпријатие Водовод ќе гради своја управна зграда во стопанскиот двор на улица ,,Шеснаесетта" зашто досега беше потстанар и плаќаше големи суми за ќирии, сметки за греење и ладење. 

,,денес е голем ден за Водовод, пред општинската Комисија за финансирање и буџет  имавме излагање за новата управна зграда во делот каде Општината треба да ни излезе во пресрет за ослободување од комуналиите. Сонот на Водовод се остварува и мило ми е што јас ја имаа таа чест да го направам тоа, Водовод да има сопствена управна зграда. Тоа е единствено јавно претпријатие во општина Битола кое нема сопствена управан зграда, е под кирија. Во стариот објект сме кираџии на Сизот, имаме околу 800 метри квадратни корисна површина, а новиот објект ќе биде 1200 квадрати. Се стремиме објектот да биде модерен и да одговори на потребите на претпријатието. Ќе биде направен океански систем на работа , модерен стил, внатре со стакла,  ќе нема ѕидови. Поделени ќе бидат по одделенија. Современ објект со наплатен центар, пристапни рампи за инвалиди", рече директорот Горан Козаров. 

Страница 1 од 7

Login to your account

Username *
Password *
Remember Me
© 2020 АПЛА.мк. Сите права се задржани