Пуштено во употреба реконструираното ракометно игралиште во ОУ „Коле Канински“

Август 31, 2022

Денес во Битола е пуштено во употреба реконструираното ракометно игралиште во основното училиште „Коле Канински“. За реализација на игралиштето, Видеолотарија обезбеди донација во вредност од 3 284 819 денари (53.000 евра).

- Чест ми е и задоволство што имаме прилика заеднички како бренд амбасадор на државната видеолотарија на Македонија да донираме и да го одбереме токму градот Битола. Мислам дека Битола е спортски град, пред сѐ ракометен град и тоа го заслужува. Се надевам дека со оваа донација, со оваа инвестиција и понатаму ќе предизвикаме уште поголем интерес и Битола ќе има уште поквалитетен спорт и поквалитетен ракомет што ѝ го посакувам од срце затоа што тоа го заслужува - изјави ракометната легенда Кире Лазаров, кој е бренд амбасадор на брендот „Видеолотарија Австрија“.

302244235 780405833298927 5489900887113888180 n

Фото: Томе Влашевски

Директорот Зоран Мирчевски овој спортски ресурс ќе служи како мотивација плус и за наставниците, и за учениците во училиштето „Коле Канински“ за да ја реализираат подобро наставата по физичко и здравствено образование.

- Се надевам дека овој спротски ресурс што ќе се користи во понатамошниот период ќе придонесе како мотивација плус за подобро реализирање на наставата по физичко и здравствено образование, а воедно ќе постигнуваат и поголеми успеси - изјави директорот Мирчевски.

302285556 5458452807544357 7183934170539073334 n

Фото: Томе Влашевски

Во своето обраќање на денешниот настан градоначалникот на општина Битола, Тони Коњановски, нагласи дека овој проект е од особено значење за учениците, што е доста значајно за поттикнување на спортскиот дух кај младите генерации.

- Создавањето услови за развој на спортот и подобрувањето на спортската инфраструктура во општината се меѓу главните фактори кои треба да бидат поттик и можност за учениците да го развиваат својот спортски и натпреварувачки дух, истовремено јакнејќи ја дисциплината и одговорноста, да се изградат како здрави личности - изјави Коњановски.

Градоначалникот Коњановски ја искористи приликата и на сите ученици им посака лесен почеток на новата учебна година и многу успех.

301900458 1104242387136735 7741139037013346606 n

302065359 5517818221572467 2743442283961247427 n

302010785 1086329515327209 1025085572122481870 n
Фото: Томе Влашевски

Сподели

Login to your account

Username *
Password *
Remember Me
© 2021 АПЛА.мк. Сите права се задржани